БРИКС+ стартап эспэдииссийэ кыайыылаахтары ааттаата

Бүгүн киэһэ Креативнай индустрия пуорум сабыллыытын дьоро киэһэтигэр БРИКС+ стартап эспэдииссийэ киинэ, сценарий суруйуу, анимация уонна муусука эйгэтигэр кыайыылаахтар билиннилэр.

Саха сириттэн уонна  Бурятияттан продюсертартан түөрт креативнай бырайыак 1-дии мөлүйүөн солкуобайга диэри  оҥорон таһаарыыны өйөөһүҥҥэ сэртипикээттэри ыллылар:

1. Анимация: Ойуулуктары оҥорор «Туундара» анимационнай устуудьуйа салайааччыта Анна Борисова (Саха Өрөспүүбүлүкэтэ).
2. Киинэ сценарийа: «Кама Хана» устуудьуйа (Саха Өрөспүүбүлүкэтэ).
3. Киинэ:«Дух Байкала» киинэ (Бурятия Өрөспүүбүлүкэтэ).
4. Муусука: «Лутаар» бөлөх (Бурятия Өрөспүүбүлүкэтэ).

Үп-харчы бырайыагы уонна сайыннарыыга, БРИКС+ чэрчитинэн бэстибээллэргэ, пуорумнарга кыттарга туттуллуоҕа. Маны таһынан, бырайыактар ​​СӨ Инновацияны сайыннарыы пуондатын бэрэстэбиитэллэриттэн эспиэр өйөбүлүн ылыахтара.

Муус устартан саҕаламмыт куонкуруска Уһук Илиҥҥи уонна Арктика сэттэ эрэгийиэннэриттэн 42 бырайыак кыттыыны ылбытыттан 13 кыттааччы финалга тахсан, Дьокуускайга ыытыллыбыт Айар индустриялар иккис норуоттар икки ардыларынааҕы пуорумнарыгар үлэлэрин билиһиннэрдилэр. Дьүүллүүр сүбэҕэ Соҕуруу Африкаттан, Кытайтан, Монголияттан уонна Индияттан айар эйгэ эспиэрдэрэ кытыннылар.

Сүрүн сыанабыл ирдэбиллэринэн  аан дойду таһымыгар тахсар кыах уонна үлэ хаачыстыбата буоллулар.