Бу кэмҥэ мууһунан сылдьыы сэрэхтээх!

Күннэтэ уу эбийиэктэригэр дьон куттала суох буолуутун хааччыйыы – кыра суудуналар судаарыстыбаннай иниспиэксийэлэрин иниспиэктэрдэрин биир сүрүн соруктарынан буолар.

Күн-дьыл уларыйыытын быыһык кэмигэр,  тымныы түһэн, муус саҥа туран эрэр буолан, күөллэргэ, өрүстэргэ кутталлаах балаһыанньалар тахсыахтарын сөп диэн Ыксалаах быһыы-майгы министиэристибэтэ сэрэтэр. Бу кэмҥэ олохтоммут быраабыланы тутуһуу олус наадалаах.

Саха сиригэр мууһунан айан сырыыта ахсынньы бастакы уон күннэриттэн аһыллан барыахтара. Өрөспүүбүлүкэ киин улуустарыгар бастакынан  маннык хайысханан мууһунан суоллар аһыллыахтара:

• Өлүөнэ өрүһү туоруур «Хатас – Павловскай» хайысханан 3 туоннаҕа диэри;
• Бүлүү өрүһү туоруур мууһунан айан суолугар 10 туоннаҕа диэри;
• Халыма суолунан Алдан өрүһү туоруур айан суолугар 10 туоннаҕа диэри;
• Ленскэй уонна Мииринэй улуустарын «Таас Үрэх – Уус Кут» кыһыҥҥы суолунан айаҥҥа.

ГИМС иниспиэктэрдэрэ муус саҥа туран эрэринэн дьон олоҕор кутталы үөскэтэрин санаталлар. ЫБММ мууһунан туоруур айан суоллара официальнайдык аһыллыахтарыгар диэри массыынанан сылдьыбаккытыгар көрдөһөр.

ЫБММ үлэһиттэрэ өрүһүнэн көҥүлэ суох айан иһин административнай эппиэтинэс 1 ыстатыйанан эппиэтинэскэ тардыллыахха сөбүн, онно ботуччу соҕус ыстараабы төлүүргүтүн сэрэтэр. Ыстарааптар манныктар:

— көннөрү дьоҥҥо – 3 тыһыынчаттан 5 тыһыынчаҕа солк. диэри,

— дуоһунастаах киһиэхэ – 20 тыһыынчаттан 50 тыһыынча солкуобайга диэри,

— юридическэй сирэйдэргэ – 100 тыһыынчаттан 1 мөлүйүөҥҥэ диэри.