Бу түүн толору ый: саамай күүстээх энергетикалаах күн

Субуотаҕа, атырдьах ыйын 9 күнүгэр, түүн алта планета параадын кытта сөп түбэһэр сэдэх астрономическай көстүү — толору ый буолуоҕа.

Толору ый буолуон биир суукка инниттэн энэргиэтикэ эйгэтэ уларыйан барар. Ый киһи уйулҕатын уонна этин-сиинин туругар дьайыытын күүһүрдэр. Сөптөөхтүк бэлэмнэннэххэ, куһаҕан содулу аччатыахха, иирсээни тумнуохха уонна уйулҕа туругун харыстыахха сөп.

Бу кэм сүрүн бэлиэлэрэ:

• Кыыһырымтаҕай буолуу улаатар;
• Кыра иирсээннэр улахан мөккүөргэ кубулуйуохтарын сөп;
• Интуиция сытыырхайар;
• Чаҕылхай түүллэр уонна инникини өтө көрөр түүллэр көстөллөр;
• Ыараҥнаппакка эрэ быһаарыныылар тахсыахтарын сөп;
• Салгынтан тутулуктаах сорох дьоҥҥо хаан баттааһына оонньуур, төбө ыарыыта саҕаланар, утуйар уу кэһиллэр.

Тугу гынар сүбэлэммэт:

• Саҥа дьыаланы саҕалыыр. Ретрограднай Меркурий уонна толору ый сабыдыала саҥаны саҕалыырга табыгаһа суох усулуобуйаны үөскэтэллэр. Бу күн саҕаламмыт дьыалалар мэһэйдэри көрсүөхтэрин эбэтэр кэскилэ суох буолуохтарын сөп.
• Иирсэн уонна сыһыаны быһаарсар. Уйулҕа хамсааһына күүһүрэр, тыл хомотуон сөп, онон суолталаах кэпсэтиилэри атын кэмҥэ көһөрөр ордук.
• Сөбүлэҥнэри түһэрсэр эбэтэр улахан атыыны оҥорор. Үп-харчы өттүнэн алҕас тахсар кыаҕа улаатар.
• Сылайбыты аахайбат буолуу. Этинэн-сиининэн уонна уйулҕанан сылайыы-элэйии доруобуйа мөлтүүрүгэр тиэрдиэн сөп.
• Арыгы иһэр эбэтэр аһара аһыыр. Бу аймалҕаны күүһүрдүө уонна туруккар куһаҕаннык дьайыа.
• Тас көрүҥҥэ улахан уларытыылары киллэрэр. Баттах кырыйтарыыта уонна кырааскалатыыта хомотуон сөп.