Үөрэнээччилэр “Будущий дипломат” куонкурустарын Бүтүн Арассыыйатааҕы таһымныырга баҕараллар.
Итинник быһаарыныы элбэх ыччат бэлиитикэ боппуруостарыгар ордук бэлэмнээх буоларыгар көмөлөһүө этэ диэн дойдубут дипломатияҕа сулууспатын сүбэһитэ Николай Дьяконов бигэ санаалаах. 2000 сылларга Дьокуускайга Арассыыйа Омуктар дьыалаларыгар министиэристибэтин бастакы бэрэстэбиитэлинэн буолбут Николай Дьяконов ити этиитин Дьокуускайга Владимир Путин уопсастыбаннай приемнайыгар киллэрдэ.
Билигин “Будущий дипломат” куонкурус Саха сирин бары улуустарын (ол иһигэр, саамай ыраах сытааччыларын) уһулуччу талааннаах үөрэнээччилэригэр бэлиитикэ уонна уопсастыба эйгэтигэр ситиһиилээх карьераны саҕалыылларыгар былаһаакканан буолар.
Хайыы үйэ уонтан тахса сыл устата куонкурус кыайыылааҕа наҕараада быһыытынан Арассыыйа кэскиллээх үрдүк үөрэҕин кыһаларыгар – Арассыыйа Омуктар дьыалаларыгар министиэристибэтин Дипломатическай академиятыгар эбэтэр МГИМО-ҕа босхо үөрэнэр быраабы ылан кэллэ. Кинилэр салгыы Арассыыйа уонна омук дойдуларын судаарыстыбаннай уонна чааһынай хампаанньаларыгар үлэлииллэр эбэтэр биһиги дойдубутун аан дойдуга билиһиннэрэн, дипломатическай үлэнэн дьарыктаналлар. Ону таһынан “Будущий дипломат» куонкурус хас да финалиһа билигин судаарыстыбаннай былаас уорганнарыгар үлэлии сылдьар.
Тэрийээччилэр бэлиэтииллэринэн, куонкурус сүрүн соруга – дипломатическай үлэҕэ дьоҕурдаах оҕолору булуу, эдэр көлүөнэҕэ бэлиитикэҕэ уонна аан дойдутааҕы сыһыаҥҥа интэриэһи тардыы. Ону таһынан, “Будущий дипаломат” үөрэнээччилэри патриотическай тыыҥҥа иитиигэ уонна судаарыстыба, аан дойду устуоруйатын билиигэ хайысхаланар.
Саха сириттэн төһө талааннаах оҕо куонкурус көмөтүнэн олоххо суолун тэлбитин ырытан баран, Николай Дьяконов бу боппуруоска Владимир Путинтан өйөбүлэ наадатын бэлиэтиир.
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…