Хаартыска: Ньургуйаана Халгаева тиксэриитэ
Дьокуускайга П.А.Ойуунускай аатынан литература түмэлигэр “Аҕам сулуһа” диэн буойун суруйааччылар оҕолорун, сиэннэрин кытта олус истиҥ көрсүһүү буолла.
Үтүө үгэһинэн итии чэйдээх, алаадьылаах остуол тула олорон хас биирдиилэрэ тапталлаах аҕаларын туһунан олус истиҥник-иһирэхтик ахтан-санаан кэпсээтилэр. Бу оҕолоро билигин хас биирдиилэрэ аҕам саастаах, 80 саастарын лаппа ааспыт сэрии сылын оҕолоро буолаллар. Кинилэр бэйэ-бэйэлэрин кытта кэпсэтэллэрэ сэмэйэ, истиҥэ, интэллигиэнтнэйдэрэ киһини сөхтөрөр.
Ол курдук, ытык-мааны ыалдьыттарынан буоллулар: С.А.Саввин-Күн Дьирибинэ кыыһа Мария Степановна Саввина, Тимофей Сметанин кыыһа Татьяна Тимофеевна Сметанина кырачаан сиэн уолунаан, М.И.Кузьмин-Макар Хара кыыһа З.М. Кузьмина уолун, сиэнин, хос сиэнин кытары, Эллэй кыыһа Наталья Серафимовна Спиридонова, Бүөтүр Тобуруокап кыыһа Саргылаана Петровна Наумова кыыһа Сиибиктэлиин, сиэн уолун кытары уонна 44 сааһыгар сэриигэ барбыт олоҥхоһут, норуот ырыаһыта Н.И. Степанов-Ноорой сүүрбэ оҕоттон соҕотох хаалбыт кыыһа Варвара Николаевна Степанова-Пырчу уонна улахан сиэнэ, телевидение үлэһитэ Ольга Николаевна Степановалыын кэлэннэр ахтан-санаан аастылар, бэйэ-бэйэлэрин өр кэмҥэ сүтэрсибит ыал оҕолоро булсубуттарын курдук истиҥник мичээрдэһэн, кэпсэтэн-ипсэтэн тарҕастылар.
Буойун суруйааччылар оҕолоругар анаан Уйбаан Нуолур “Саллаат оҕото Чооруона” кэпсээнинэн Дьокуускайдааҕы национальнай гимназия 7 “Б” кылааһын кэлэктиибэ сыаҥка туруоран оонньоон көрдөрдүлэр, Саха гимназиятын үөрэнээччилэрэ Петрова Уйгууна, Максимова Дайаана хоһоон аахтылар.
Бу киэһэҕэ суруйааччылар оҕолоро ыксалаһан олорон оҕо эрдэҕинээҕилэрин итир-ботур кэпсэтэн ахтыһалларын туораттан көрөн олорон киһи долгуйар, үөрэр… Кинилэри барыларын ситимниир ытык аҕалара, кинилэр сулустара, үлэҕэ, олоххо дьулуурдара, Ийэ дойдуларыгар тапталлара уонна Улуу Кыайыы …
Ньургуйаана Халгаева,
Ойуунускай аатынан литература түмэлин үлэһитэ
Ааспыт сууккаҕа Саха сиригэр 7 буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Сир-дойду күөҕүнэн симэнэ сууланан турар кэмигэр, өҥүрүк куйаас түһүүтэ, уйгулаах сайыммыт ыһыаҕар Хаҥалас улууһун Төхтүр…
Бүгүн, бэс ыйын 24 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Ис дьыала министиэристибэтин пресс-сулууспата иһитиннэрбитинэн, чааһынай дьиэҕэ баһаар тахсыбытыгар полицейскайдар ким хайа иннинэ бастакы тиийэн,…
Бүгүн, бэс ыйын 24 күнүгэр, киин, илин эҥээр, соҕуруу, арҕаа улуустарга кыралаан ардыаҕа, сорох сиринэн…
Уус Алдан улууһугар Бороҕон -- Танда суолунан айаннаан иһэр дьон икки оҕолоох тайаҕы көрдүлэр. Ыҥаахтар…