«Буратино» саҥа киинэ прокаттан 1,5 млрд солк. хомуйда

«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай систиэмэтин (ЕАИС) дааннайдарыттан биллэр.

Тохсунньу 1 күнүгэр, көрдөрүү бастакы күнүгэр, киинэ прокаттан 226 мөлүйүөнтэн тахсаны хомуйбут, оттон бастакы өрөбүллэргэ хомуур 1 млрд-тан тахсыбыт. Тохсунньу 1-7 күннэригэр көрөөччү ахсаана үс мөлүйүөн кэриҥэ киһиэхэ тиийдэ.

Сценарийга Алексей Толстой «Золотой ключик» классическай остуоруйата уонна 1975 сыллааҕы «Приключения Буратино» сериал төрүөтүнэн буолбуттар. Сюжетынан соҕотох олорор мас ууһа мастан куукуланы оҥорор, ол куукулата уол оҕоҕо кубулуйар. Буратино атыттарга майгыннаабатын билэн, үчүгэй уол буоларын дакаастыыр баҕаттан айаҥҥа турунар. Сүрүн оруоллары Виталия Корниенко, Александр Яценко, Анастасия Талызина, Марк Эйдельштейн, Александр Петров, Виктория Исакова, Рузиль Минекаев, Федор Бондарчук уо.д.а. толордулар. Киинэ режиссера — Игорь Волошин. Сэбиэскэй кэмнээҕи хит композиторынан Алексей Рыбников буолар.