Бүгүн Аан дойдутааҕы  Ийэ Сир күнэ

Муус устар 22 күнэ – Аан дойдутааҕы  Ийэ Сирбит күнэ.

Устуоруйаны сэгэтэн көрдөххө,   Ийэ сир күнүн бэлиэтиир маҥнайгы аахсыйа 1970 сыллаахха Америка холбоһуктаах штаттарыгар ыытыллыбыта.  Оттон Арассыыйаҕа бу күнү 1990 сылтан бэлиэтииллэр.  Ол аата Арассыыйаҕа бу ураты күнү бэлиэтээбиттэрэ быйыл 34 сыла буолар.

Билигин бу  күн Аан дойдутааҕы национальнай ыстаатыстаах бырааһынньык буолар. Бырааһынньык туох сыалтан төрүттэммитин бары даҕаны билэҕит.  Биллэн турар, Ийэ сирбит кыылын-сүөлүн, отун-маһын, ыраас уулаах өрүстэрин, күөллэрин харыстыыр сыаллаах-соруктаах.

Бу Аан дойдутааҕы Ийэ сир күнүгэр Аан дойду куолакалын тыаһатар ураты  үгэс баар. Куолакалы тыаһатан Ийэ сирбитин харыстыырга ыҥыраллар. Арассыыйа куолакала   аан бастаан Москва куоракка турбута.

Бырааһынньык сүрүн сыалынан хас биирдии киһи Ийэ сиргэ, тулалыыр эйгэҕэ харыстабыллаах сыһыанын үөскэтии  буолар. Бу күн ким баҕалаах, олорор сирин-уотун, тэлгэһэтин ыраастыан, мас олордуон, араас аахсыйаларга,  тэрээһиннэргэ кыттыан сөп.

Бу күн өрөспүүбүлүкэҕэ экологическай тэрээһиннэр, үөрэх тэрилтэлэригэр кылаас чаастар, быыстапкалар уонна билиһиннэриилэр, бибилэтиэкэлэринэн оҕолорго куонкурустар, викториналар уонна араас субуотунньуктар ыытыллаллар.