Бүгүн Арассыыйа гидрометеорологическай сулууспатын үлэһиттэрин күнэ

Аан дойду үрдүнэн бүгүн, кулун тутар 23 күнүгэр, күн-дьыл уларыйыытын сылыктыыр исписэлиистэр идэлээх бырааһынньыктарын күнэ бэлиэтэнэр.

Бу сылга бэлиэ күн Арассыыйа гидрометеорологическай сулууспа үлэһиттэригэр ананар.

Санаттахха, быйыл Арассыыйатааҕы гидрометеорологическай сулууспата үбүлүөйдээх 190 сылын туолар.

Бырааһынньык күнү учуонай-метеорологтар, халлаан туругун хонтуруоллуур ыстансыйалар, обсерваториялар, лабораториялар үлэһиттэрэ, чинчийээччилэр, ону тэҥэ педагогтар уонна идэлээх үөрэх тэрилтэлэрин устудьуоннара бэлиэтииллэр.