Бүгүн дьүкээбил уота көстүөн сөп

Бүгүн, бээтинсэҕэ,   магнитнай буурҕа түһүөҕэ. РНА космическай чинчийиилэргэ институтун күн астрономиятын лабораторията иһитиннэрэринэн, магнитнай буурҕа 5-6 баалга тиийиэн сөп.

Чэппиэргэ эмиэ магнитнай буурҕа  бэлиэтэнэн, Арассыыйа үгүс эрэгийиэнигэр дьүкээбил күндээрбитэ. Маннык дьикти көстүүнү Дьокуускай куорат уонна өрөспүүбүлүкэ кэккэ улуустарыгар көрдүлэр. Онон бүгүн эмиэ халлааҥҥа дьиктини көрүөххэ сөп.