Бу кэнники 2,5 сылга бастакы «өлүү» буолар. Кулун тутар 14 күнүгэр күнүс 12 чаас 57 мүнүүтэҕэ (Дьокуускай бириэмэтинэн) саҕаланар уонна киэһэ 7 чааска бүтэр, барыта 6 чаас устата буолар. Толору «өлүүтэ» 1 чаас 5 мүнүүтэ устата буолуоҕа — күнүс 3 чаас 26 мүнүүтэттэн 4 чаас 31 мүнүүтэҕэ диэри.
Бүгүн «Хааннаах Ый» туолар…
14.03.2025, 11:05
Хаартыска: "Известия"
Бөлөххө киир:
Кулун тутар 14 күнүгэр — «Хааннаах» Ый туолар. Тоҕо маннык ааттыылларый?
Бүгүн, Ый туолар түүнүгэр, Ыйбыт толору «өлүүтэ» буолар (полное лунное затмение). Ол эбэтэр, Ый Сир күлүгэр киирэн, сүтэр кэмигэр, толору сүппэккэ, кытыытынан төгүрүччү кытархай уотунан сырдаан көстүөҕэ.
Ол эбэтэр, Ый «өлөрүн» Арассыыйа киин өттүгэр кыайан көрбөттөр, Чукоткаҕа, Камчаткаҕа, Магадааҥҥа эрэ көстүөҕэ. Саха сиригэр хараҥара илик халлааҥҥа, баҕар, сороҕо көстүөн сөп. Онно толору Ыйбыт эмтэрийбит курдук көстүөн сөп.
Оттон Хотугу уонна Соҕуруу Америкаҕа, Арҕаа Европаҕа, Арҕаа Африкаҕа, Чуумпу акыйаан арыыларыгар олорор дьон көрүөхтэрин сөп, тоҕо диэтэр, кинилэргэ бу кэмҥэ хараҥа буолар.
Эбэн эттэххэ, кулун тутар 29 күнүгэр Күн «өлүүтэ» буолуоҕа. Онон бу кэми «Ый-Күн өлүүтүн көрүдүөрэ» диэн ааттыыллар.
Учуонайдар этэллэринэн, бу көннөрү астрономическай көстүү буолар, дьоҥҥо хайдах да дьайбат. Оттон астрологтар этэллэринэн, бу кэмҥэ араас саахаллар, иирсээннэр тахсыахтарын сөп. Атын өттүттэн көрдөххө, киһи бу кэмҥэ ыраастанар, туһата суох маллартан, куһаҕан дьаллыктартан, иирсээни аҕалар дьонтон босхолонор кэмэ.
Кулун тутар 14 күнүгэр Ыйбыт Кыыс бэлиэтигэр киирэр. Зодиакка бу бэлиэ хаһаайыстыбаннай, бэрээдэги сөбүлүүр, онон бүгүн дьиэҕитигэр-уоккутугар үлэлээҥ, хаһаайыстыбаҕытыгар бэрээдэги олохтооҥ, хомунуҥ, доруобуйаҕытын көрүнүҥ, ону тэҥэ, санааҕытын сааһылааҥ диэн астрологтар сүбэлииллэр.
+1
6
+1
2
+1
+1
+1
+1
+1
3
Сообщить об опечатке
Текст, который будет отправлен нашим редакторам: