Хаартыска: "Комсомольская правда"
Бүгүн, муус устар 25 күнүгэр, халлаан «мичээрэ» көһүннэ. Халлааҥҥа «смайлигы» көрүөххэ сөп эбит 🙂
Сытыары, кэлтэгэй Ый уонна икки планета үөрбүт «смайлик» курдук көһүннүлэр. Чап-чаҕылхай Чолбон (Венера) уонна Сатурн — «смайлик» харахтара, оттон сытыары кэлтэгэй Ый айаҕа курдук буолла.
Ол эрээри, халлаан «мичээрэ» сарсыарда олус эрдэ, 4 чаас саҕана илиҥҥи саҕах үрдүнэн көстөр. Саҕаҕы туох да мэһэйдээбэтэҕинэ, хайалар, үрдүк дьиэлэр суох буоллахтарына эрэ көстөр. Евразияҕа сырдаан эрэр буолан, соччо ксөтүбэт, ордук үчүгэйдик АХШ илиҥҥи кытылларыгар көһүннэ. Оттон Саха сиригэр Күн 4 чаас 25 мүнүүтэҕэ тахсар буолбут.
Халлаан «мичээрэ» иҥнэри сытар курдук көстөр, ону үчүгэйдик көрөр туһуттан, төбөҕүн уҥа диэки кыҥнатыахтааххын. Халлаан сырдаан эрэр буолан, аллараанан Сатурн мөлтөхтүк көстөр. Ол эрээри, «смайлик» аҥаар хараҕын симэн, имнэммит курдук эмиэ буолуон сөп 😉 Онуоха биноклу туһаныахха сөп.
Тоҕо маннык буоларый? Планеталар Күнү тула биир хапталҕаҕа (плоскость) тус-туспа орбитанан араас түргэннээхтик эргийэллэр. Бу сылдьан, сороҕор чугасаһаллар, оччоҕо «планеталар парааттара» диэн буолар. Сороҕор бу «смайлик» курдук араас ойуу көстөн кэлиэн сөп.
Маннык көстүү куйаарга олох сэдэхтик буолар. Бу түүн эмиэ, халлаан сырдаан эрдэҕинэ, арыый тэйсибит куйаар эттиктэрин көрүөххэ сөп.
Эп-эдэркээн уолаттар милиция үлэтин өрө тутан, дьон нус-хас олоҕун туһугар туруулаһа сылдьан сидьиҥ дьон илиититтэн…
Дьокуускайга “Чайковский-фест” ньиргийэ турдаҕына, “Иоланта” операҕа сылдьыбытым. Бу операҕа хараҕа суох кыыс туһунан кэпсэнэр. Аҕата-ийэтэ…
Быйылгы дьылга бастакы "Айкуо" сэрийээли көрөн бүтэрдибит. Дьон-сэргэ саҥа сэрийээли олус сөбүлээбит, оҕолор оонньуулларын астыммыт.…
"ҮРГЭЛ" галереяҕа алтынньыга Сардаана Владимировна Яковлева уонна киһи кыыһа Анжелика Викторовна хартыыналарын дьон көрүүтүгэр туруордулар.…
Кэнники кэмҥэ элбэх киһи хаан баттааһына үрдүүрүнэн эрэйдэнэр буолла. Төбө ыалдьыбат буоллаҕына, үгүстэр наадыйбаттар, билбэттэр…
Үөһээ Бүлүү улууһугар булчут сүттэ диэн иһитиннэрии киирбитин кэннэ, сэтинньи 4 күнүгэр көрдүүр үлэ саҕаламмыта. …