Хаартыска: Үлэ, социальнай сайдыы министиэристибэтэ
Бүгүн, алтынньы ый 1 күнүгэр, Аан дойду кырдьаҕастарын күнэ 2001 сылтан ыла бэлиэтэнэр.
Киһи кырдьыытын көмүс күһүнү кытта дьүөрэлииллэр. Ол да иһин алтынньы 1 күнүн — күһүн оройун — Аҕам саастаахтар күннэринэн анаабыттар.
Кырдьаҕастар аан дойдутааҕы күннэрэ ытыктабыл уонна үгэс эрэ быһыытынан бэлиэтээһин буолбакка, аҕа көлүөнэ дьонугар күннэтэ ахсаабат болҕомто, истиҥ кыһамньы уурарбытын санатар ытык күн буолар.
Бүгүн, алтынньы 1 күнүгэр, Дьокуускайга аҕам саастаахтарга анаммыт «Көхтөөх уһун үйэлэнии» диэн бэстибээл ыытыллар. Бу күн сарсыарда 10 чаастан Былатыан Ойуунускай аатынан Саха тыйаатырыгар маастар-кылаастар, сэминээр, исписэлиистэр сүбэлэрэ-амалара, атыы-эргиэн дьаарбаҥката, хаартыска быыстапката, улахан кэнсиэр, култуурунай-сынньатар бырагыраама, о.д.а. буолуохтара.
Бэстибээл Аан дойдутааҕы аҕам саастаахтар күннэригэр ананар. Манна дьахталлар 55, эр дьон 60 саастарыттан сылдьыахтарын сөп. Үөлээннээхтэри кытта билсии-көрсүү, ирэ-хоро кэпсэтии, хаартыскаҕа хатаныы, сэргэхсийии, саҥаны билии, туһалаахха үөрэнии манна күүтэр.
Ытык-мааны аҕам саастаах дьоммутугар баҕарабыт чин-чиргэл доруобуйаны, чэгиэн-чэбдик туругу, дьолунан толору уйгулаах олоҕу, оҕолоргут, сиэннэргит, дьиэ кэргэҥҥит сырдык тапталлара, истин иэйиилэрэ араҥаччылыы сырыттыннар, дурда-хахха буола турдуннар диэн алгыс тылбытын аныыбыт.
Бүгүн, ахсынньы 15 күнүгэр, Дьокуускайга 36 кв.м. иэннээх кыбартыыраҕа баһаар буолла. Өлбүттэр суохтар, биэс киһи…
Оҕо эрдэххэ дьаабылыка сыта, мандарин амтана наһаа да минньигэс уонна ураты буолара. Саҥа дьыл үөрүүтүн,…
Сыл – хонук. Номнуо үйэ чиэппэрэ ааһа охсубут. Оттон киэн туттан бүгүн кэпсээри оҥостор киһибит …
Горнай улууһун Одуну нэһилиэгэр айрширскай боруодалаах ынах бастакы ньирэйин төрөппүтүн туһунан "Үлэ күүһэ" хаһыат телеграм-ханаала…
"Сахафильм" киинэ хампаанньата уонна СӨ Национальнай бибилэтиэкэ 10 сахалыы киинэни босхо көрдөрөллөр. "Киинэни ааҕабыт!" аахсыйа…
Саха киинэтэ 1990 сылтан силис-мутук тардар. Бу сыл “Северфильм” киинэ устуудьуйата тэриллибитэ, ол 1992 сыллаахха…