Бүгүн магнитнай буурҕа төһө күүстээх буолуой?

ИКИ уонна ИСЗФ Күн астрономиятын лабораторияларын дааннайдарынан, атырдьах ыйын 5 күнүгэр, оптуорунньукка, мөлтөх геомагнитнай хамсааһыннар тахсыахтарын сөп. Ол иһин геомагнитнай хамсааһыннартан тутулуктанар дьон доруобуйаларын туругар болҕомтолорун ууралларыгар сүбэлэнэр.

Санаттахха, бүтэһик суукка иһигэр Күҥҥэ 7  эстии бэлиэтэммит. Саамай уһун эстии (C3.3 кылаастаах) 28 мүнүүтэ уһаата. Ол Москва бириэмэтинэн 07:24 чааска саҕаланан, 07:52 чааска түмүктэннэ. Саамай күүстээх күҥҥэ эстии (M2.0 кылаастаах) 07:52 чааска саҕаланан, 13 мүнүүтэ уһаата.

Атырдьах ыйын 5 күнүгэр күүстээх геомагнитнай хамсааһыннар буолар сабаҕалааһыннара 26% диэри үрдээтэ. Онуоха Сир геомганитнай кыра хамсааһыннара үөскүүр сабаҕалааһына 40% тэҥнэһэр.

Магнитнай буурҕалар аппаратураҕа эрэ дьайбаттар, спутник систиэмэлэрэ, араадьыйа сибээһэ уонна уот ситимнэрэ кытта быста-быста үлэлиэхтэрин сөп. Ону таһынан,  сүрэх-тымыр уонна уйулҕа ыарыыларынан эрэйдэнэр дьон, ону тэҥэ аҕа саастаахтар уонна күн-дьыл туругар уларыйарыгар ылларымтыа дьон туруктура мөлтүөн сөп.

Магнитнай хамсааһыннар киһи организмыгар күүскэ дьайаллар. Кутталы намтатар туһуттан, бу судургу туһалаах сүбэлэри тутуһаллара наада:

• 1. Утуйар эрэсиими тутуһуҥ.
• 2. Стресс таһымын намтатыҥ.
• 3. Сөптөөх аһылыгы тутуһҥ.
• 4. Элбэхтик уута иһиҥ.
• 5. Салгыҥҥа элбэхтик сылдьыҥ.
• 6. Хаан баттааһынын хонтуруоллааҥ — бу булгуччулаах миэрэ.