Бүгүн муҥутуур күүстээх магнитнай буурҕа түһүө

Бэс ыйа күн магнитнай буурҕаларынан уонна Күҥҥэ эстиилэринэн баай буолла. Бу нэдиэлэҕэ эмиэ Сир магнитнай бүрүөһүнэ эмиэ кэһилиннэ. Бүгүн, бэс ыйын 20 күнүгэр, күүстээх магнитнай буурҕа түһэрэ күүтүллэр.

Санатан эттэххэ, бэс ыйын 17 күнүгэр Күҥҥэ саамай үрдүк X кылаастаах эстии буолбута – муҥутуур күүһэ Москва бириэмэтинэн түүн 00:49 чааска түбэспитэ.

РАН ИКИ уонна ИСФЗ РАН Күн астрономиятын лабораториятын дааннайдарынан, бүгүн магнитнай буурҕа буолар сабаҕалааһына 55% тэҥнэһэр. Бу туһунан ТАСС иһитиннэрэр.

Сарсыарда геомагнитнай хамсааһын 3 баал кэриҥнээх – бу күөх таһым, барыта этэҥҥэ. Оттон сарсыарда 9-тан күнүс 12 чааска диэри магнитнай буурҕа муҥутуур күүһэ 5 бааллаах. Күнүс 14:00 чаас кэннэ геомагнитнай хамсааһын таһыма намтыыр, киэһэлик нуорматыгар төннүөҕэ.

Ол иһин сарсыарда өттүгэр күн-дьыл уларыйыытыгар ылынымтыа дьон-сэргэ ыарытыйыахтарын сөп: төбө ыарыыта, мөлтөөһүн, хаан баттааһына өрө-таҥнары түһүү-тахсыы.