Бүгүн Сиргэ магнитнай буурҕа түһүөҕэ

Бу күннэргэ Сир геомагнитнай туруга Күҥҥэ баар улахан корональнай дьөлөҕөстөн тутулуктаах буолуоҕа.

ААН Куйаар чинчийиилэрин институтун Күн астрономиятын лабораториятын уонна ААН Сибиирдээҕи салаатын Күн-Сир физикатын институтун учуонайдарын дааннайдарынан, күн тыалын күүһүрүүтэ сэрэдэттэн саҕаланна.

Бэс ыйын 24 күнүгэр Күҥҥэүс С-кылаастаах мөлтөх эстиилэр буолбуттара. Ол да буоллар, учуонайдар бэлиэтииллэринэн, бу күннэргэ Сир геомагнитнай туругун Күҥҥэ улахан корональнай дьөлөҕөс быһаарыаҕа. Учуонайдар дааннайдарынан, бэс ыйын 25 күнэ уоскулаҥа суох күн буолуоҕа. Бэс ыйын 25 күнүгэр сарсыарда кыра геомагнитнай күүрүүлэр саҕаланыахтара уонна күн ортотугар сабаҕаланарынан, G2 таһымнаах муҥутуур кээмэйдэригэр тиийиэхтээхтэр.

Магнитнай хамсааһыннар суукка бүтүүтэ да тохтуо суохтара. Бэс ыйын 28 күнүгэр диэри салҕаныахтара.

Миэдиктэр күн-дьыл уларыйыытыга ылынымтыа дьоҥҥо доруобуйаларын болҕомтолоохтук кэтииргэ уонна сэрэтэр дьаһаллары кэмигэр ылынарга сүбэлииллэр.

Маннык кэмнэргэ быраастар ноҕуруускаттан туттунарга, таһырдьа салгыҥҥа элбэхтик сылдьарга уонна утуйар эрэсиими тутуһарга сүбэлииллэр. Эт-сиин туруга мөлтөөтөҕүнэ миэдиктэргэ көмөҕө тиийиэххэ наада.