Бүгүн сорох сиринэн сөкүүндэҕэ 25-27 миэтэрэ түргэннээх тыал, буурҕа түһэрэ күүтүллэр

Бүгүн, сэтинньи 28 күнүгэр, Халымаҕа, өрөспүүбүлүкэ соҕуруу өттүгэр хаар хойуутук түһэрэ күүтүллэр. Мантан атын оройуоннарга хаар кыралаан түһүөҕэ.

Өрөспүүбүлүкэ илин, соҕуруу, соҕуруулуу-арҕаа өттүгэр сөкүүндэҕэ  9-14 м.,  Арктика кытылынан   19-24 м., сорох сиринэн  25-27 м. түргэннээх тыал, буурҕа түһэрэ сабаҕаланар.

Салгын температурата күнүс  -20-25°С, арҕаа -15-20°С, илин  -27-32°С, Арктика кытылынан  -10-15°С буолуоҕа.