Бүгүн сорох улуустарга -6 кыраадыс буолара күүтүллэр

Бүгүн, тохсунньу 17 күнүгэр, Саха сирин сорох улуустарыгар -6 кыраадыс буолара күүтүллэр диэн УГМС иһитиннэрэр.

Бүгүн киин улуустарга -29… -34, хотугулуу-илин -39… -44, арҕаа -24… -29, соҕуруу -17… -22 кыраадыс буолара күүтүллэр диэн саайтка суруллар.

Оттон өрөспүүбүлүкэ соҕуруулуу-арҕаа улуустарыгар хаар түстэҕинэ, -6… -11 кыраадыс буолара күүтүллэр.

УГМС сэрэтэринэн, Кэбээйи улууһугар бу күннэргэ сөкүүндэҕэ 15-17 миэтэрэ түргэннээх күүстээх тыал түһэрэ сабаҕаланар.