Бүгүн телебашня Луганскай Өрөспүүбүлүкэ былааҕын өҥүнэн сандаарыаҕа

Бүгүн Дьокуускай куорат телебашнята Луганскай Норуодунай Өрөспүүбүлүкэ былааҕын өҥүнэн сандаарыаҕа. 21.00 чаастан биир чаас кэриҥэ тыгыаҕа.

Сомоҕолоһуу күнүн көрсөр тэрээһиннэр чэрчилэринэн, бу күннэргэ телебашня Арассыыйа састаабыгар саҥа киирбит Донецкай уонна Луганскай норуодунай өрөспүүбүлүкэлэр, итиэннэ Запорожскай уонна Херсонскай уобаластар былаахтарын өҥүнэн сандаарыаҕа.

Бэҕэһээ телебашня Донецкай Өрөспүүбүлүкэ былааҕын өҥүнэн умайбыта. Оттон сарсын, сэтинньи 2 күнүгэр, Запорожскай уобалас, өйүүн, сэтинньи 3 күнүгэр, Херсонскай уобалас былааҕын өҥүнэн сандаарыаҕа.

Бырааһынньык күнүгэр, сэтинньи 4 күнүгэр, Арассыыйа Федерациятын былааҕын өҥүнэн умайыаҕа.

Норуот сомоҕолоһуутун күнэ быйыл саҥа субъектар Арасссыыйа састаабыгар киирбиттэрин бэлиэтиир. Мантан ыла Арассыыйа састаабыгар 89 эрэгийиэн баар, нэһилиэнньэ ахсаана 6,2 мөлүйүөн киһинэн эбилиннэ, дойду иэнэ 100 тыһ.кв. км. эбилиннэ.