Бүгүн — Сүрэх аан дойдутааҕы күнэ. Бу күн сүрүн соругунан сүрэх-тымыр ыарыыларын, ыарыы үөскүүр төрүөттэрин уонна ону утары охсуһуу туһунан нэһилиэнньэҕэ иһитиннэриини элбэтии буолар.
Ол курдук, бүгүн киэһэ 19.00.-20.00 чааска Дьокуускай куоракка телевидение башнята кыһыл өҥүнэн умайан, сүрэх ыарыытын эрдэттэн сэрэтии уонна харыстаныы, бэйэ доруобуйатыгар эппиэтинэһи үрдэтии суолтатын санатыаҕа.
Бу күҥҥэ анаан Саха сиригэр Сүрэх аан дойдутааҕы күнүгэр аналлаах декада саҕаламмыта.
Бу күн СӨ Доруобуйа харыстабылын министиэристибэтэ уонна куорат мэдиссиинискэй тэрилтэлэрэ “Хаан баттааһынын кээмэйдээһин биир күнэ” аахсыйаны тэрийэллэр. Аахсыйаҕа кыттыан баҕалаахтар “Туймаада” Эргиэн комплексыгар, “Проспект” Эргиэн киинигэр, Автовокзалга, Аэропортка кэлиэхтэрин сөп. Манна хааныҥ баттааһынын мээрэйдиэхтэрэ, хаан баттааһынын кэмнииргэ үөрэтиэхтэрэ, ону сэргэ ВИЧ-инфекцияҕа тиэст толоруоххун сөп.
Декада чэрчитинэн мэдиссиинискэй тэрилтэлэр “Дьиэ кэргэн доруобай сүрэҕэ” аһаҕас аан күннэрэ ыытыллыахтара. Мэдиссиинэ үлэһиттэр инсульт ыарыытын сэрэтэргэ лиэксийэлэри, бэсиэдэлэри, доруобуйа оскуолаларын, доруобуйа марафонун тэрийиэхтэрэ. Марафоҥҥа сарсыардааҥҥы эрчиллиилэр, хаалыктаах хаамыы, сүүрүү, бэлисипиэтинэн айан, сатыы хаамыы уо.д.а. киирэллэр.
Биллэрин курдук, куһаҕан дьаллыктан аккаастаныы, сөптөөх аһылык, хаан баттааһынын хонтуруолга тутуу сүрэх-тымыр ыарыыта үөскүүр кутталын аҕыйатар.
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…
Аллайыаха улууһун Оленегорскай олохтооҕо Виктория Трофимова күһүҥҥү көстүүнү хаартыскаҕа түһэрэн ыытта. -- Быйыл отон аанньа…
«Саханефтегазсбыт» ыччат идэтийиитигэр былааннаах үлэтин салгыыр. Бу күннэргэ А.Е.Мординов аатынан Тааттатааҕы лиссиэй улахан кылааһын үөрэнээччилэригэр анаан…
Саха сиригэр балаҕан ыйын 20 күнүттэн алтынньы 20 күнүгэр диэри любительскай балыктааһыҥҥа илими туһаныы бобуллар.…
Бу маннык ааттаах, айылҕаны харыстыырга ыҥырар аахсыйаны «АЛРОСА» хампаанньа экологическай киинэ 2018 сылтан тэрийэр. Бу…