Хаартыска: СИА
Фармация –мэдиссиинэ дьоһун суолталаах уонна эппиэтинэстээх салааларыттан биирдэстэрэ, нэһилиэнньэ доруобуйатын тупсарарга саҥа быһаарыылары ылынан олоххо киллэрэр, үүнэр-сайдар салаа.
“Саха сиригэр фармация сулууспатыгар аптыака 206 тэрилтэтэ баар. Сылтан сыл аайы аныгы ирдэбиллэргэ уонна стандартарга эппиэттиир аптыака тэрилтэлэрэ аһыллаллар.
Нэһилиэнньэни эминэн хааччыйыы табыгастаах буоларын тупсарарга хайысхаламмыт өрөспүүбүлүкэ судаарыстыбаннай бэлиитикэтэ олоххо киллэриллэр, чэпчэтиилэринэн туһанар араҥаны эминэн хааччыйыыны тупсарар дьаһаллар ылыллаллар. Биэс сыл иһигэр үбүлээһин 75% улаатта. М.К.Аммосов аатынан ХИФУ мэдиссиинэҕэ институтун уонна Дьокуускайдааҕы мэдиссиинискэй кэллиэһи бүтэрээччилэр сыл аайы фармацевтар кэккэлэригэр киирэллэр.
Бүгүн эмтэнээччилэрбит эрэ буолбакка, бүтүн уопсастыба махталын ылар уустук уонна дьоһуннаах үлэҕит иһин биир идэлээхтэрбэр ураты махталбын этиэхпин баҕарабын. Эһиги – үрдүк таһымнаах үлэһиттэргит, эһиэхэ ханнык баҕарар балаһыанньаҕа тирэҕирэбит.
Эһиэхэ доруобуйаны, саҥаттан саҥа билиини уонна сатабылы, ситиһиилээх бырайыактары, ылыммыт соруккутун олоххо киллэрэргитигэр баҕарабын. Эһиги үлэҕит бэйэҕитигэр дуоһуйууну аҕаллын уонна эмтэнээччилэр махталлара өссө да элбии турдун!” – диэн СӨ доруобуйа харыстабылын миниистирэ Лена Афанасьева эҕэрдэтин тириэртэ.
Биэс сыллаах тохтобул кэнниттэн Судаарыстыбаннай Кириэмил дыбарыаһыгар бастыҥ устудьуоннарга, үөрэх олимпиадаларын, айар куонкурустар, спортивнай күрэхтэһиилэр…
Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…
Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна. …
Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…
Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…