Бүгүн – Ыччат аан дойдутааҕы күнэ

Ыччат аан дойдутааҕы күнэ сыл ахсын атырдьах ыйын 12 күнүгэр бэлиэтэнэр. Бу күн ыччат аан дойду сайдыытыгар оруолун, ону таһынан кинилэр иннилэригэр турар күннээҕи кыһалҕалары санатарга ананар.

Аан дойдуга элбэх ахсааннаах эдэр дьон олорор – планета нэһилиэнньэтин аҥаара – 30 саастаах уонна олоҕун эдэр кэрчигэр сылдьар дьон уонна 2030 сыл бүтүүтэ бу көрдөрүү 57%-ҥа тиийиэҕэ диэн сабаҕалыыллар. 2020 сыллаахха тахсыбыт Ыччат туһунан аан дойдутааҕы даакылаат сыанабылынан, 15-тэн 24-гэр диэри саастаах ыччат ахсаана 1,21 миллиард киһи, бу аан дойду нэһилиэнньэтин 15,5%-нын ылар. Сабаҕалааһын быһыытынан, 2030 сылга ыччат араҥата 1,29 миллиард (аан дойду уопсай нэһилиэнньэтин 15,1%), оттон 2050 сылга – 1,34 миллиард киһиэхэ (аан дойду уопсай нэһилиэнньэтин 13,8%) тиийиэҕэ.

Оттон Саха сиригэр 2025 сыл тохсунньу 1 күнүнээҕи дааннайынан, 14-ттэн 35-гэр диэри саастаах ыччат ахсаана – 315,2 тыһ. киһи. Үгүс ыччат куоракка олорор – 216 тыһ. киһи (68,6%), тыа сиригэр 99 тыһ. киһи (31,4%) олорор.