Бүгүҥҥүттэн “Саха сирин киинэтин лиэтэпиһэ” биэрии саҕаланар

Алтынньы 10 күнүгэр И.С.Жараев аатынан СӨ Аудиовизуальнай нэһилиэстибэтин национальнай киинэ “Саха сирин киинэтин лиэтэпиһэ” биэриилэрин көрдөрөн саҕалыыр.

Ол эбэтэр бүгүн «Саха» Национальнай-көрдөрөр иһитиннэрэр хампаанньаҕа 18.15 ч. көстөр биэрии Былатыан Ойуунускай аатынан Саха академическай тыйаатырын 100 сылыгар ананар. Эпииргэ саха сыанатын номоҕо, РФ уонна СӨ норуодунай артыыһа, Б.Ойуунускай аатынан бириэмийэ лауреата, Олоҥхо тыйаатырын режиссера Степанида Борисова көстүөҕэ.

Степанида Ильинична сэргэх кэпсээниттэн кинематография уонна сыана ускуустубатын уо.д.а. туһунан элбэҕи билиэххит.