Хаартыска: ЦОПП.
Бүгүҥҥүттэн, алтынньы 10 күнүттэн “Мин бастакы идэм” эрэгийиэннээҕи бырайыакка кыттарга үрдүкү кылаас оҕолоруттан сайаапканы ылан саҕалаатылар. Бырайыак көмөтүнэн оҕолор өссө оскуолаҕа үөрэнэ сылдьан босхо бастакы идэлэри ылыахтара.
Бырайыак иитинэн үөрэҕи ситиһиилээхтик ааспыттарын кэннэ 10-11 (12) кылаас оҕолоругар оробуочай идэ эбэтэр ыйыллыбыт холобурунан сулууспалаах дуоһунаһын сибэдиэтэлистибэтин туттарыахтара. Инньэ гынан, оҕолор өссө оскуолаҕа үөрэнэ сылдьан инники үлэлэригэр туһалыыр сатабылы, билиини иҥэриниэхтэрэ уонна салгыы үүнэллэригэр-сайдалларыгар суолу арыйыаҕа.
Күн бүгүн өрөспүүбүлүкэ 22 үөрэҕин тэрилтэтэ тустаах бырайыагынан 40 бырагырааманан оскуола оҕолорун үөрэтиэхтэрэ. Манна графическай дизайн, бырагыраамалааһын, сыыппара ускуустубата (анимация уонна комикс), иһэрдии дьыалата, сити-фермер, сыыппара куратора, БАС оператора, мэдиссиинэ алын сиэстэрэтэ, оонньууну уонна төлөпүөн сыһыарыытын оҥорооччу, быыһааччы, уо.д.а. бырагыраамалар киирэллэр. Дьарыктар үөрэх уонна кинилэри кытта бииргэ үлэлэһэр тэрилтэлэр баазаларыга олоҕурбут, олоҕурбут-тэйиччи уонна кэтэхтэн көрүҥнэринэн буолуохтара.
Билиҥҥитэ Саха сирин 20 тыһ. диэри нэһилиэнньэлээх пууннарга баар оскуолалар үөрэнээччилэрин ыҥыраллар.
Бырайыакка кыттарга сайаапканы ыытарга төрөппүттэр уонна оҕолор кылаас салайааччыларыгар тиийэллэрэ ирдэнэр. Сиһилии ыйыыны-кэрдиини бырайыак официальнай саайтыгар ааҕыҥ: mpp.copp14.ru.
Эбии иһитиннэриини бу ыйыллыбыт нүөмэринэн төлөпүөннээн ыйытыаххытын сөп: +7 (924) 172-05-06.
Бырайыак эрэгийиэннээҕи операторынан СӨ Идэҕэ урутаан бэлэмниир киинэ буолар, эрэгийиэннээҕи сүрүннээччи – СӨ Үөрэҕин уонна билимин министиэристибэтэ.
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…