Быһаҕынан саба түспүт киһиэхэ холуобунай дьыала тэрилиннэ

Ис дьыала министиэристибэтин 4 №-дээх управлениетын полицияҕа отделын дьуһуурунай чааһыгар өттүгэр быһах баастаах киһи киирбитин туһунан иһитиннэрии киирбит.

Полиция учаастактааҕы боломуочунайдара барыллаан быһаарбыттарынан, эмсэҕэлээбит киһи билэр киһитигэр ыалдьыттаабыт, онно урут буруйдана сылдьыбыт 39 саастаах киһи баар эбит. Эр дьоннор аһыы олорон тыл-тылга киирсибэтэхтэр. Биир киһилэрэ быһаҕы хаба тардан ылбытын көрөннөр, эмсэҕэлээбит киһи кыбартыыраттан куотан тахсыбыт. Ол эрээри, буруйу оҥорооччу кинини ситэн кэлэн өттүгүн диэкинэн быһаҕынан анньыбыт. Кыбартыыра хаһаайына “суһал көмөнү” ыҥырбыт.

“Доруобуйаҕа соруйан буортуну оҥоруу” ыстатыйанан холуобунай дьыала тэрилиннэ.

СӨ ИДьМ пресс-сулууспата