Быйыл 180 тыһыынча гаа иэннээх ойууру чөлүгэр түһэриэхтэрэ

2023 сылга Саха сиригэр 180 тыһыынча гектаар сири чөлүгэр түһэриэхтэрэ, бу былырыыҥҥытааҕар 30 тыһыынча гектаарынан элбэх.

— Баһаардар кэннилэриттэн ойууру чөлүгэр түһэрэр үлэни күүһүрдүөхтээхпит. Ону тэҥэ, ойуур питомниктарын сайыннарыахпыт, онно тииттэри, бэстэри үүннэрэн баран, чөлүгэр түһэриллиэхтээх сирдэргэ олордуохпут, — диэн Айсен Николаев этэр.

Ойуур пуондатын сиригэр-уотугар тыа бэйэтэ чөлгө түһэринэр усулуобуйатын тэрийэр үлэ ыытыллар. Быйыл маннык үлэ 1980 гектаар иэннээх сиргэ ыытыллыа.

2022 сыллаахха 148 157 гаа иэннээх, 2021 сыллаахха 89329 гаа иэннээх сиргэ ойуур чөлгө түһэриллибит. Бу 3 уонна 5 сыллаах ойууру чөлүгэр түһэрии үлэтэ 2019-2028 сыллардааҕы Ойуур былаанын чэрчитинэн ыытыллар.

Өрөспүүбүлүкэҕэ эрэгийиэннээҕи уонна федеральнай таһымнаах экологическай аахсыйалар ыытыллыахтара. Олортон биирдэстэрэ  — “Сад памяти” сааскы аахсыйа Аҕа дойду сэриитин кэмигэр өлбүт буойуннар кэриэстэригэр ыытыллар, ойууру чөлүгэр түһэрэр аахсыйа буолар. Быйыл бу аахсыйа ыам ыйын 20 күнүттэн бэс ыйын 22 күнүгэр диэри ыытыллыаҕа.

Ону тэҥэ, «Сохраним лес» Бүтүн Арассыыйатааҕы аахсыйаҕа кыттыһан, атырдьах, балаҕан ыйдарыгар мас олордуохха сөп.

СӨ бырабыыталыстыбатын, Ил Дархан пресс-сулууспата.