Андрей Сорокин (СИА) хаартыскалара
Бүгүн, кулун тутар 29 күнүгэр, Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын II сийиэһин пленарнай мунньаҕар Ил Дархан Айсен Николаев кыттынна.
Мунньах аһыллыытыгар өрөспүүбүлүкэ баһылыга Айсен Николаев судаарыстыбаннай уонна муниципальнай былаас уорганнара өрөспүүбүлүкэ хас биирдии олохтооҕун олорор усулуобуйата туруктаах уонна олоҕун хаачыстыбата үрдүк буоларын туһугар үлэлиэхтээхтэрин бэлиэтээн эттэ. Кини этэринэн, билигин Саха сирэ дьон олоҕун тупсарыыга, хаачыстыбалаах өҥөнү уонна кыһалҕалаах боппуруостары быһаарыыга национальнай бырайыактар уонна Уһук Илин уокуругун сайдыытынан дойду Бэрэсидьиэнин быһаарытынан кырата суох ресурсалары ылар.
Ил Дархан Бэрэсидьиэн Владимир Путин дойду инникитин көмүскүүр туһуттан байыаннай дьайыыны ыытар туһунан быһаарыныыны ылыммытын, ол Арассыыйа норуотун сомоҕолообутун, дойду баһылыгын тула түмпүтүн бэлиэтээн эттэ.
Айсен Николаев дьокутааттар иннилэригэр тыл этэригэр сүрүн болҕомтону байыаннай дьайыылар кыттыылаахтарын уонна кинилэр дьиэ кэргэттэрин өйүүр биир кэлим дьаһаллары ылыналларыгар соруйда. Биир даҕаны байыаннай дьайыы кыттыылааҕа көмөтө суох, бэйэтин кыһалҕатын кытары хаалыа суохтааҕын тоһоҕолоон эттэ.
Пленранай мунньах иккис чааһыгар Ил Түмэн бэрэссэдээтэлэ Алексей Еремеев, РФ Судаарсытыбаннай Дууматын дьокутаата Галина Данчикова, РФ Судаарыстыбаннай Дууматын эрэгийиэннээҕи бэлиитикэтин уонна олохтоох бэйэни салайыныы кэмитиэтин бэрэссэдээтэлэ Алексей Диденко, РФ Федеарциятын Сэбиэтин кэмитиэтин эрэгийиэннээҕи бэлиитикэҕэ, олохтоох бэйэни салайыныыга уонна Хотугу сир дьыалаларыгар кэмитиэтин бэрэссэдээтэлин солбуйааччы Александр Акимов, о.д.а. тыл эттилэр.
Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын II сийиэһинэн РФ Судаарыстыбаннай Дууматын бэрэссэдээтэлэ Вячеслав Володин уонна РФ Федерациятын Сэбиэтин бэрэссэдээтэлэ Валентина Матвиенко эҕэрдэлээн дьокутааттар сүргэлэрин көтөхтүлэр.
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…