Хаартыска: СӨ Доруобуйа харыстабылын министиэристибэтэ
Саха сиригэр сыл аайы ортотунан 400 киһи арыгыны кытта сибээстээх төрүөттэн өлөр. Онуоха өлүү биричиинэтинэн сүрэх арыгыттан ыалдьара — “алкогольнай кардиомиопатия» буолар.
“Алкогольнай кардиомиопатия” – арыгы токсическай дьайыытыттан үөскүүр сүрэх ыарыыта. Маннык түбэлтэҕэ сүрэх истиэҥкэлэрэ халыҥыыллар, сүрэх ыарыыта саҕаланар.
Ыарыы бастакы сибикилэрэ – сүрэх тэбэр тэтимэ кэһиллэр, киһи куһаҕаннык утуйар, төбөтө ыалдьар. Ол кэнниттэн аны хамсанарыгар аҕылыыр, этэ-сиинэ иһэр, көннөрү сылдьар кэмигэр сүрэҕэ мүнүүтэҕэ 100-110 тэбэр, утатар, күүскэ көлөһүннүрэр, сирэйин тириитэ кытарар, илиитэ салҕалыыр, хараҕа кытарар, саһарар.
«Алкогольнай кардиомиопатия» саамай биллэр сибикитинэн арыгыны сиэри суох иһии кэнниттэн хас да күн устата сүрэх диэкинэн нүөлүйэн уһуннук ыалдьара буолар.
Манна сыһыаран эттэххэ, бу ыарыы биир уратытынан аҕыйахтык иһэр киһиэхэ да биллиэн сөбө буолар. Ол иһин, «алкогольнай кардиомиопатияттан» эмтэнии ордук наадалаах уонна көдьүүстээх ньыматынан арыгылаах утахтан букатыннаахтык аккаастаныы уонна хайаан да кардиолог-бырааска доруобуйаны көрдөрүүнү буолар.
Доруобай буолуҥ.
(Наркология өрөспүүбүлүкэтээҕи диспансерын матырыйаалынан)
Арҕааҥҥылар информационнай сэриигэ "кирдээхтик" киирсэллэр. Политолог Чокуур Гаврильев ырытыытын көрүҥ:
Аллайыаха улууһун кырыы сытар Бөрөлөөх нэһилиэгин дьахталлара байыаннай дьайыы кыттыылаахтарыгар көмөлөһөллөр. Ол курдук, “Гэван” кулууп…
Хаҥалас улууһун полициятын үлэһиттэрэ рейдэ кэмигэр Покровскай куорат 51 саастаах олохтооҕо дьиэтигэр ыаллыы дойду үс…
Алтынньы ыйга “Сыдьаайа” айар киинин үҥкүүһүттэрэ ыраах Турция сиригэр тиийэн, аан дойдутааҕы бэстибээлгэ Арассыыйа аатыттан…
Сэтинньи 9 күнүгэр, киэһэ 17.00 чааска, Былатыан Ойуунускай аатынан Саха театрыгар Россия народнай артыыһа, ССРС,…
Былыр эр киһи ойох ыларыгар кыыс төрөппүттэригэр анаммыт баайы-дуолу кутан биэрэрэ. Курум -- уол уруу…