«Бүлүү» федеральнай суолга киһи өлүүлээх суол быһылаана тахсыбыт

Кулун тутар 8 күнүгэр сарсыарда 11:35 чааска «Бүлүү» федеральнай суол 332 километрыгар улахан суол быһылаана таҕыспыт.

ИДьМ дьуһуурунай чааһыгар Горнай оройуонугар таһаҕас тиэйэр уонна кыра массыыналар харсыспыттарын туһунан иһитиннэрии киирбит.

Барыллаан быһаарынан,  1990 с.т. суоппар  TOYOTA IST мааркалаах массыынанан Дьокуускай — Бүлүү хайысханан айаннаан испит. «Бүлүү» федеральнай суол 332 километрыгар суолга халтарытан утары балаһаҕа тахсан биэрбит уонна улахан таһаҕас тиэйиилээх SCANIA P440LA4X2HNA массыынаны кытта харсыспыт.

SCANIA массыынанан 1976 с.т. суоппар  Кыһыл-Сыыр — Дьокуускай хайысханан айаннаан испит. Саахал түмүгэр TOYOTA IST суоппар миэстэтигэр өлбүт. Таһаҕас тиэйэр массыына суоппара хомурҕанын уҥуоҕун тоһуппут, куртаҕын эчэппит. Суоппары Горнайдааҕы киин балыыһаҕа киллэрбиттэр уонна амбулаторнай эмтэниини анаабыттар. Быһылаан миэстэтигэр ГАИ үлэһиттэрэ, силиэстийэлиир уорганнар уонна быыһааччылар үлэлээтилэр. Саахал төрүөтэ силиэстийэ кэмигэр быһаарыллыаҕа.