Хаартыска уонна видео -- Елена Потоцкая
Бүлүү улууһугар Сыдыбылга уонча сыллааҕыта командировкаҕа аан бастаан сылдьыыбар, билигин клубника үүннэрэр тыа сирин саада, быраҕыллан турар сэбиэскэй кэминээҕи гараас этэ.
Оччолорго, Владимир Маяковскай аатырбыт хоһоонугар «Через четыре года здесь будет город-сад!» диэн эппитин курдук, нэһилиэк баһылыга Петр Догоюсов «манна клубника олордуохпут. Олохтоох урбаанньыт Айталина Томская өрөмүөннэтэн, дьэдьэн олордор былааннаах» диэбитигэр, «хаһан эрэ туолар дуу, туолбат дуу…» диэн санаа күлүм гынан ааспыта.
Соторутааҕыта Кыадаҥдаҕа тиийэн, ол гарааспын билбэтим — сүүнэ бэйэлээх икки мэндиэмэннээх саад буолбут!
Дьэдьэн үүнэр кэмэ кэлиэр диэри, саад хаһаайката биир дойдулаахтарын бастакы оҕурсуунан күндүлээри, оҕуруот бу аһын рассаадатын олордубут.
Айталина Томская үүнээйи бэрт кэрэхсэбиллээх уоҕурдуутун туһунан кэпсээн баран, нууччалыы эттэххэ, «святая святых саарыстыбатын» көрдөрдө.
Саҥа сакаастаабыт дьэдьэннэрин кытта былырыыҥҥыны тэҥнээн көрө-көрө, хаһаайка 3 туоннаҕа тиийэ үүнүүнү ылыахха сөбүн холобурдаата. Атын улуустартан эмиэ сакаастаан ылаллар эбит.
Минньигэс амтаннаах клубниканы амсайан баран, ураты минньигэһин бэлиэтээтим! Олох атын амтан!
Онон ханнык да сааҥсыйаттан куттаммакка, «Саюри» тэрилтэ оҕурсуунан уонна помидорунан киин куораты сылы төгүрүччү хааччыйарын курдук, аны, Сахабыт сирин клубниканан эмиэ хааччыйыыһыбыт диэн санаалаах Айталина Томская саадыттан үөрэ-көтө таҕыстым.
Бүгүн, ахсынньы 15 күнүгэр, СӨ Бырабыыталыстыбатын уонна Дьаһалтатын салайааччыларын кытары ыытыллыбыт пленарнай мунньахха Саҥа дьыл…
Москваҕа байыаннай дьайыы бэтэрээннэрин "Вместе победим" Бүтүн Арассыыйатааҕы пуорума түмүктэннэ. Саха сириттэн онно байыаннай дьайыы…
Арассыыйа ИДьМ "Дьокуускайдааҕы" 3 №-дээх полициятын отделыгар дьахтар тиийэн, балыыһаҕа эмтэнэ сытар кииринньэҥ аҕатын "Toyota…
Ахсынньы 15 күнүгэр Чэй күнэ бэлиэтэнэр. Онон, маннык тымныы, туманнаах күҥҥэ итии чэйдэ иһиэҕиҥ! Былыр,…
Уус Алдан улууһугар Дүпсүҥҥэ волонтердар үлэлэрэ тиһиктээхтик салҕанар. "Дүпсүн эһигинниин бииргэ" түмсүү настаабынньыга Пелагея Васильевна…
Оҕолору кытта куттал суох буоларын туһугар хайаан да кэпсэтиэххэ наада. Маннык тымныы күннэргэ ураты болҕомтолоох…