Хаартыска: Павел Иннокентьев тиксэриитэ
Бүлүү улууһугар хаһаайыстыбалар окко киирбиттэрэ ыраатта. От ыйын 22 күнүнээҕи туругунан, 1700 туонна оту соҕотуопкалаатылар.
— Бу күннэргэ нэһилиэктэринэн отчуттары кэрийдибит, оттооһун туругун билистибит. Онно сылдьан көрдөххө өрүс уҥуор нэһилиэктэргэ от үүнүүтэ этэҥҥэ. Оттон бэтэрээ өттүгэр үрдүк сирдэр кууран хаалбыттар. Баппаҕаайы уонна Бөтүҥ нэһилиэктэрэ оппут былаанын аҥаарын эрэ ылар кыахтаахпыт диэн бэйэлэрин нэһилиэктэригэр ыксаллаах быһыыны биллэрбиттэрэ.
Ону тэҥэ Баппаҕаайы сиригэр ойуурга баһаар баар. Онон дьон үксэ уоту бохсууга үлэлиир. Быйылгы оттооһун хампаанньатыгар 18 мобильнай биригээдэни тэрийиэхпит диэн сайаапка түһэрбиппит. Үлуус үрдүнэн 26220 туонна оту кэбиһиэхтээхпит диэн былаан туруорбуппут. Итинтэн 87-90 бырыһыанын ылар инибит диэн ааҕынабыт, — диэтэ Бүлүү улууһун Тыа хаһаайыстыбатын департаменын салайааччыта Павел Иннокентьев.
Улууска ардах бэс ыйын 16 күнүгэр түспүт эбит уонна ол кэнниттэн түһэ илик буолан, сир-уот куурда дэһэллэр. Атырдьах ыйын 15 күнүттэн «көҥүл хотуур» биллэриллиэ, ол эрээри сорох хаһаайыстыбаларга бобуулаах.
Бу күннэргэСӨ Тыатын хаһаайыстыбатын уонна аска-үөлгэ бэлиитикэтин миниистирин солбуйааччы Сахаяна Павлова Бүлүү улууһугар тиийэн, хаһаайыстыбалар хайдах оттоон эрэллэрин билистэ.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…