БЫРААС СЭРЭТЭР: «Сылайыы уонна истириэс сүрэх ыарыытыгар тиэрдиэн сөп»

Өр кэмнээх  сылайыы уонна истириэс атеросклероһу түргэтэтиэн, ону тэҥэ инфаркт буолар кутталын улаатыннарыан сөп. Бу туһунан А.А. Вишневскай аатынан Үрдүкү мэдиссиинэ технологияларын кииннэрин кардиологияҕа салаатын сүрүн кардиолога Николай Гуляев РИА Новости ааҕыныстыбаҕа кэпсээтэ.

«Өр кэмнээх истириэс киһи этигэр-сиинигэр сүһүрүү бырасыаһын күүһүрдэр, атеросклероз сайдыытын түргэтэтэр уонна инфаркт кутталын үрдэтэр», — диэн быраас бэлиэтээтэ.

Николай Гуляев этэринэн, сылайыы бэлиэлэрэ баар буоллахтарына, хас да судургу быраабыланы тутуһуохха наада.

«Күн аайы 5-10 мүнүүтэни тыынар эрчиллиигэ эбэтэр салгыҥҥа күүлэйдииргэ аныыр туһалаах. Ону тэҥэ хаан баттааһынын уонна пульс таһымын хонтуруоллуохха наада», — диэн кардиолог сүбэлээтэ. Итини таһынан, үлэ уонна сынньалаҥ эрэсиимин тутуһуу, ону тэҥэ уһуннук утуйуу улахан суолталаах – утуйар уу кэмэ сууккаҕа 7 чаастан аҕыйаҕа суох буолуохтаах.