Быраастар киһи хабаҕыттан харандааһы хостоотулар

Москва уобалаһын Красногорской балыыһатыгар 46 саастаах дьахтар хабаҕыттан косметикаҕа туттуллар харандааһы хостообуттарын туһунан Москва уобалаһын Доруобуйатын харыстабылын министиэристибэтэ иһитиннэрдэ. 

Дьахтар бэйэтэ кэпсээбитинэн, харандааһы иик тахсар сүмэтигэр бэйэтэ анньыбыт, онтукайа хабаҕар тиийбит. Дьахтары урология отделениетыгар киллэрбиттэр.

Балыыһа бырааһа этэринэн, маннык быһыы-майгы доруобуйаҕа олус кутталлаах уонна араас эчэйиигэ, сүһүрүүгэ, инпиэксийэлэргэ тириэрдиэн сөп. Кини бэйэ организмын араас тургутууну оҥорботторугар уонна суһаллык исписэлиис көмөтүнэн туһаналларыгар ыҥырда. Дьахтар балыыһаттан эпэрээссийэлэнэн, этэҥҥэ буолан тахсыбыт.

РИА-Новости