Хаартыска: sakha.gov.ru
СӨ Баһылыгын уонна Бырабыыталыстыбатын дьаһалтатын үлэһиттэрэ ыам ыйын 24 күнүгэр Нам улууһун Хатырык нэһилиэгин тахсан ыраастаатылар.
«Ил Дархан Айсен Николаев сорудаҕын толоруу чэрчитинэн өрөспүүбүлүкэ элбэх тэрилтэтэ сааскы халаантан эмсэҕэлээбиттэргэ көмөлөһөр. Бүгүн биһиги Хатырык нэһилиэгэр Лена уонна Мир уулуссаларын хомуйдубут. Манна уу аҕалбыт бөҕө-саҕа, эмсэҕэлээбит дьиэ-уот элбэх.
Мин бииргэ үлэлиир дьонум, дьаһалта үлэһиттэрэ ыҥырыыны ылынан бүгүн сарсыардаттан киэһээҥҥэ диэри үлэлээтилэр. Маннык тэрээһиннэри атын да нэһилиэктэргэ биһиги салгыы ыытыахпыт», – диэн СӨ Баһылыгын уонна Бырабыыталыстыбатын дьаһалтатын салайааччы Георгий Михайлов кэпсээтэ.
Волонтердар уһаайбалары, учаастактары ыраастааһыҥҥа, бөҕү-сыыһы хомуйууга үлэлээтилэр, дьон көрдөһүүтүнэн дьиэ миэбэлин, тус малын-салын таһырдьа куурда таһаарарга көмөлөстүлэр, Лена уонна Мир уулуссаларын ыраастаатылар, 10-тан тахса «КамАЗ» бөҕү тиэйэн илтилэр.
Хатырыкка өрөспүүбүлүкэ араас тэрилтэлэриттэн, министиэристибэлэриттэн элбэх волонтер көмөлөһө кэлэр диэн СӨ Баһылыгын уонна Бырабыыталыстыбатын пресс-сулууспата иһитиннэрэр. Бу нэдиэлэ бүтүүтэ нэһилиэккэ ыраастааһын үлэтэ бүтэрэ былааннанар.
Санатар буоллахха, Ил Дархан ыйааҕынан ыам ыйын 20 күнүгэр Саха сиригэр ыксаллаах быһыы-майгы эрэсиимэ биллэриллибитэ. Бырабыыталыстыбатаҕа нэһилиэнньэлээх пууннары, экэниэмикэ эбийиэктэрин чөлүгэр түһэриигэ, эмсэҕэлээбит дьоҥҥо социальнай уонна материальнай көмөнү оҥорууга бары дьаһалы ыларга сорудахтаммыта.
Садын оройуонун (билиҥҥитэ Мииринэй) Ботуобуйа сирэ-дойдута былыр былыргыттан дьон аймах сөбүлээн олохсуйбут сирэ буолар. Олохтоохтор…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…
Бүгүн сарсыарда 112 нүөмэргэ 8 чаас чугаһыгар муус анныгар массыына түспүтүн туһунан иһитиннэрии киирбит. ЯСИА…
Ааһан эрэр сыл ахсынньы 18 күнүгэр "Ника" банкеттыыр саалаҕа "Ситим" өрөспүүбүлүкэ көҥүл суруйааччыларын сойууһун уопсастыбаннай…
Ийэ айылҕабыт бэйэтэ анаан үүннэрэр эмтээх отун-маһын көдьүүстээхтик туһаныы билиҥҥи кэмҥэ ордук суолталанна. Бүгүн ааҕааччыларбытыгар…