Андрей Сорокин хаартыскаҕа түһэриитэ, ЯСИА
Бырабыыталыстыба отчуота Муома улууһугар Кулун Өлбүттэн бүгүн, олунньу 2 күнүттэн, саҕаланна.
Вице-премьер Георгий Степанов салайар бөлөҕөр СӨ үлэҕэ уонна социальнай сайдыыга миниистирин бастакы солбуйааччы Альбина Трубина, СӨ доруобуйа харыстабылын ми ниистирин солбуйааччы Любовь Бурнашева, үөрэх миниистирин солбуйааччы Степан Степанов бааллар.
Бүгүн оробуочай бөлөх Кулун Өлбүт уонна Буор Сыһыы олохтоохторун кытта көрүстэ. Сарсын дэлэгээссийэ Чуумпу Кытылга уонна Сааһыырга сылдьыахтара. Олунньу 4 күнүгэр ааспыт сылга туох үлэ ыытыллыбытын туһунан отчуоту Соболоох олохтоохторугар иһитиннэриэхтэрэ. Бырабыыталыстыба түмүктүүр отчуота олунньу 5 күнүгэр Хонууга ыытыллыа.
Бөлөх хас сылдьыбыт нэһилиэгэр олохтоохтору кытта тус ыйытыыларынан биирдиилээн көрсүһүүнү эмиэ тэрийэр.
СӨ Бырабыыталыстыбатын 2025 сыллааҕы үлэтигэр биир сүрүнүнэн, Муома оройуонугар Хонууга атыы-эргиэн логистическай киинэ арыллыбыта буолар. Эбийиэк Арктика оройуоннарыгар аһыллыбыт атыы-эргиэн логистическай кииннэриттэн биирдэстэринэн буолар.
Саҥа киин көмөтүнэн Муомаҕа атыыланар табаар арааһа 300-тэн 950-ҥа тиийэ элбээбит. Маны сэргэ, манна Дьокуускайдааҕы көтөр фабрикатын, килиэп кэмбинээтин, «Якутия» ФАПК аһа-үөлэ, «Саюри» фирма оҕуруотун аһа атыыланар.
Санатан эттэххэ, СӨ Бырабыыталыстыбатын отчуота бары улуустарга тиһиктээхтик ыытыллыа уонна Дьокуускайга кулун тутар саҥатыгар түмүктэниэ. Түмүгү «Саха» НКИХ ханаалыгар көрдөрүөхтэрэ.
Сиһилии: https://www.sakha.gov.ru/news/19662
СӨ Ил Дарханын уонна Бырабыыталыстыбатын пресс-сулууспата
Саха сиригэр устудьуоннар оҥорбут бастакы спутниктара — «Чолбон» аппараат космоска тахсан, Сир үрдүнэн 510-550 килэмиэтир…
Олунньу 2 күнүгэр Дьокуускайга Арассыыйатааҕы Буойун албан аатын күнүн бэлиэтиир өйдөбүнньүк тэрээһиннэр ыытылыннылар — бу…
Олунньу 2 күнэ -- Сталинграды босхолооһун күнэ. Бу Сэбиэскэй Аармыйа ситиспит Улуу Кыайыыта бүтүн аан…
Аатырбыт "Алеша" Танк экипаһын хамандыыра, Арассыыйа Дьоруойа Александр Сергеевич Леваков байыаннай дьайыы саҕаланыаҕыттан Саха сириттэн…
Олунньу 2 күнэ - Арассыыйаҕа Сталинград кыргыһыытыгар Сэбиэскэй аармыйа ньиэмэс-фашист күүстэрин үлтүрүппүт бэлиэ күнэ. Сталинград…
Табаҕын бырахпыт киһи доруобуйата бөҕөргүүр, сэниэлэнэр, эрчимнэнэр. -хаанын баттааһына уонна сүрэҕин тэбиитэ 20 мүн. нуорма…