СӨ Бырабыыталыстыбатын отчуота Алдан оройуонугар Томмот бөһүөлэгэр олохтоохтору кытта көрсүһүүттэн саҕаланна. Бэлиэтээн суруйдахха, Алдан оройуонугар бырабыыталыстыба отчуота бэҕэһээҥҥиттэн саҕаламмыта.
СӨ Бырабыыталыстыбатын бэрэссэдээтэлин бастакы солбуйааччы Кирилл Бычков уонна кинини кытта сылдьар министиэристибэлэр, биэдэмэстибэлэр салайааччылара отчуот иннинэ олохтоохтору кытта көрсүһүүнү тэрийдилэр. Кинилэр олохтоохтор тус ыйытыыларыгар тута хоруйдары биэрдилэр. Көрсүһүүгэ Томмот олохтоохторун үгүстэрин доруобуйа харыстабылын боппуруоһа долгутара билиннэ. Олохтоох мэдиссиинэ өҥөтүн хаачыстыбата мөлтөҕүн эттилэр, «Земскэй биэлсэр» бырагыраама туһунан ыйыталастылар. Томмот олохтооҕо кыһыҥҥы тымныыларга сөтөлө (астма) бэргиирин кэпсээбит. Быйыл кыһын Томмокко -60 кыраадыска тиийэ тымныйа сылдьыбыт. СӨ Доруобуйа харыстабылын миниистирэ Елена Афанасьева олохтоохтор кыһалҕаларын истэн баран, тымныыга бэргиир сөтөллөөх дьахтарга доруобуйатын көрдөрөрүгэр сүбэлээтэ уонна ол түмүгүнэн мэдиссиинэ-социальнай эспэртиисэтигэр докумуонун бэлэмнииригэр эттэ. 1958 сыллаах төрүөх дьахтары инбэлиитинэн билиннэхтэринэ, кини доруобуйатыгар сөптөөх килиимэккэ көһүөн сөбүн туһунан быраабы ылан, көмөнөн туһаныан сөбүн иһитиннэрдэ. Томмот бөһүөлэгин сүрүн бырааһа бу отчуокка истэ олорон кыһалҕалаах дьахтарга көмөлөһүөх буолбут. Виктор Полуполтинных диэн Томмот олохтоооҕо этиилээх кэлбит. Кини айанньыт Пантелей Пянды туһунан кинигэлээх кэлбит. Кини этэринэн, нуучча бырамыысыланньыга 1623 сыллаахха Өлүөнэ биэрэгин булбут, Дьокуускай тулатынан сылдьыбыт уонна Саха сирин арыйбыт. Ол кэмтэн 400 сыл ааспыт эрээри, Пянды аата ханнык даҕаны аныгы халандаарга бэлиэтэммэтэх. Отчуоттуур бөлөх салайааччыта Кирилл Бычков бу туһунан ХИФУ историктарыгар тиэрдиэх буолан эрэннэрдэ. Өскөтүн, бу чахчы буоллаҕына, тустаах быһаарыныы ылыныллыаҕа диэтэ.
Сэтинньи 18 күнэ – Арассыыйаҕа Тымныы оҕонньор (Дед Мороз) төрөөбүт күнэ. Тымныы оҕонньор олорор сиригэр…
2026 сылга мунньуллар биэнсийэни төлөөһүн күүтүллэр кэмэ 270 ый буолуоҕа. Бу туһунан сокуоҥҥа РФ Бэрэсидьиэнэ…
Ааспыт сууккаҕа Саха сиригэр үс буруйу оҥоруу бэлиэтэммитин туһунан СӨ борокуратуурата иһитиннэрэр. Киин куоракка түөкүттэр…
Доруобуйа харыстабылын министиэристибэтигэр генетическэй дерматология киинин тэрийии боппуруоһун дьүүллэстилэр. Бу тэрилтэ нэһилиэстибэнэн тирии ыарыылаах оҕолорго…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
“Арассыыйаҕа сыл учуутала” Бүтүн Арассыыйатааҕы күөн күрэс эрэгийиэннээҕи түһүмэҕэ Дьокуускай куоракка 2025 сыл ахсынньы 8-12…