Бырамыысыланнас миниистирэ Максим Терещенко «Тэтим» араадьыйа биэриитигэр кыттыаҕа

Бүгүн, сэтинньи 29 күнүгэр, бээтинсэҕэ, 13:05 чааска СӨ бырамыысыланнаска  уонна геологияҕа миниистирэ Максим Викторович Терещенко “Тэтим” араадьыйа “Диалог с властью” биэриитигэр кыттыаҕа.

Миниистир өрөспүүбүлүкэҕэ кыһыл көмүһү хостооһун салаата тэриллибитэ 100 сылын көрсө ыытыллар тэрээһиннэр, үлэ хайысхатын, ситиһиилэрин туһунан кэпсиэҕэ.  Максим Терещенко буолаары турар “Саха сирин көмүс үйэтэ (Золотой век Якутии)” пуорум сыалын-соругун туһунан сырдатыаҕа. Маны таһынан, национальнай бырайыагы киллэрэн туран, федеральнай суолталаах бырайыактар ​​тустарынан билиһиннэриэҕэ, быһа эпииргэ интэриэһиргиир дьон ыйытыыларыгар хоруйдуоҕа. “Диалог с властью” биэрии кэмигэр ыйытыылары устуудьуйа нүөмэрдэригэр 8 (4112) 32-00-66 уонна 32-11-66 эрийэн биэриэххэ сөп.