Быстах байыаннай хомуур тиэмэтинэн 13 тыһыынча киһи быһа сибээскэ тахсыбыт

Алтынньы 10 күнүнээҕи туругунан Саха сиригэр  быстах хомуур боппуруоһунан 122 диэн анал нүөмэргэ эрийэн, быһа сибээскэ 13190 киһи ыйытыы биэрбит. Дьону ордук быстах хомуур уонна баҕа өттүнэн байыаннай эпэрээссийэҕэ барыы долгутар эбит.

Бэлиэтээн суруйдахха, РФ бэрэсидьиэнэ Владимир Путин дьаһалынан, дойду үрдүнэн 122 нүөмэргэ быһа сибээс лииньийэтэ үлэлиир.  Маннык сулууспа дойду бары эрэгийиэннэригэр баар. Суһал сибээс  балаҕан ыйын 23 күнүттэн үлэлиир. Маны сэргэ, «Помощник Объясняем.рф» чат-бот эмиэ үлэлиир. Чат-бот көмөтүнэн бэбиэскэ, суһал хомуур боппуруостарын сиһилии билсиэххэ сөп. Бары ыйытыылар РФ Оборуонатын министиэристибэтигэр тута тиэрдиллэллэр уонна хоруйдара тута тахсан иһэр.