Быстах хомуурга барар киһи үлэ дуогабарын туһунан

Үлэлии сылдьан мобилизацияҕа хапсыбыт киһини үлэ дуогабара интэриэһиргэтэрэ чахчы. РФ Бэрэсидьиэнин В.Путин ыйааҕар олоҕуран ыытыллар быстах хомуурга сыһыаннаах ыйытыылар үгүстэр:

— Үлэни биэрээччи быстах хомуурга барар киһи үлэҕэ дуогабарын дьайыытын тохтотуохтаах, ол эрээри сулууспа болдьоҕо ыйыллыбат. Ханнык болдьоххо үлэ дуогабара тохтотулларый?

“Объясняем.рф” саайт хоруйа:

— Үлэ дуогабара хаһан тохтотуллар болдьоҕо ыйыллыбат.

Быстах хомуурга хомуйар пууҥҥа, байыаннай комиссариакка кэлэргэ бэбиэскэҕэ ыйыллыбыт күнтэн ыла уонна быстах хомуурунан байыаннай сулууспалааһын бүтүөр диэри кэмҥэ үлэ дуогабара тохтотуллар.

Хаартыска: тустаах саайтан