Быстах хомуурга барбыт уолаттарбытын кытары сибээһи тутабыт

СӨ дьиэ тутуутун дириэксийэтин генеральнай дириэктэрин солбуйааччы Сергей Семенович Кылбанов:
-Бу уустук кэмҥэ хас биирдии Арассыыйа олохтооҕо үлэтин, туруоруллубут соругу икки бүк толоруохтаах. Нууччалыы эттэххэ, «за себя и за того парня” диэн буолар. Биһиги тэрилтэбититтэн үс киһи быстах байыаннай хомуурга хапсан уопсай хомуур пуунугар тиийбиттэрэ. Туох наадалааҕынан тэрийэн, көмөлөһөн атаардыбыт. Уолаттарбытын уонна кинилэр чугас дьоннорун, кэргэттэрин кытары сибээһи тутабыт. Көмө оҥорорго бэлэммит.

Билиҥҥи туругунан хаарбах дьиэттэн көһөрүү бырагыраамата тохтообокко үлэлии турар. Үбүлээһин быһыллыбата, кыччаабата. Национальнай бырайыактар бары үбүлэнэ тураллар. Туруоруллубут соруктар туолуохтара.