Бүтэһик чуораан уонна оскуоланы түмүктүүр бырааһынньык ыытыллар күннэрэ быһаарылынна

Дьаҥ туруоҕуттан дойду Үөрэҕириитин министиэристибэтэ Арассыыйаҕа Бүтэһик чуорааны уонна оскуоланы бүтэрэр бырааһынньыгы ханнык күннэргэ ыытары сүбэлиир буолла. Эһиил ханнык күннэргэ буолар?

2025-2026 үөрэх дьылыгар Бүтэһик чуораан бырааһынньыгын ыам ыйын 26 күнүгэр былаанныыллар, оттон оскуоланы бүтэрэр биэчэри – бэс ыйын 27 күнүгэр. РФ Үөрэҕириитин министиэристибэтэ туһааннаах сүбэ суругу дойду бары субъектарыгар ыыталаата.

Үөрэх тэрилтэлэрин бырагыраамаларыгар киллэриэххэ сөп:

— Судаарыстыбаннай былааҕы көтөҕүү уонна РФ Өрөгөй ырыатын толоруу тэрээһинин;

— Элбэх оҕолоох уонна элбэх көлүөнэлээх ыалы чиэстээһини;

— Төрөппүттэр тыл этиилэрин, ол иһигэр судаарыстыбаннай наҕараадаҕа тиксэр кыахтаах уонна байыаннай дьайыы кыттыылаахтарын.

Дойду Бэрэсидьиэнэ көҕүлээбит “Ыччат уонна оҕо” национальнай бырайыак соруктарыгар сөп түбэһиннэрэн, патриоттуу тыыҥҥа иитии суолталаах чааһынан Судаарыстыбаннай былааҕы көтөҕүү уонна РФ Өрөгөй ырыатын толоруу буолар. Бу судаарыстыба бэлиэтигэр ытыктабылы, гражданин быһыытынан бөҕөргөөһүнү үөскэтэр. Биһиги оскуолаҕа дойдуга ытыктабыллаах сыһыаны үөскэтиигэ, төрөөбүт дойдунан киэн тутууга үлэни 2026 сылга даҕаны салгыы ыытыахпыт”, – диэн РФ үөрэҕириитин миниистирэ Сергей Кравцов бэлиэтээтэ.

Дьоро тэрээһиннэргэ бэлэмнэнии иитинэн эрэгийиэннэр иннилэригэр куттал суох буолуутун бары өттүнэн хааччыйар сорук турар. Бу туһунан дойду Үөрэҕириитин министиэристибэтин тг-ханаалыгар суруйаллар.