Хаартыска Мэҥэ Хаҥалас улууһун дьаһалтатын пресс-сулууспатыттан
Бу күннэргэ Дьокуускай куоракка Өксөкүлээх Өлөксөй аатынан Норуоттар доҕордоһууларын дьиэтигэр Бүтэйдээх сэлиэнньэтэ төрүттэммитэ уонна Мэҥэ Боҕоруоскай таҥаратын дьиэтэ 200 сылларыгар анаммыт Бүтэйдээх нэһилиэгин күнүн бэлиэтиир тэрээһиҥҥэ Мэҥэ Хаҥалас улууһун дьоно-сэргэтэ түмүстүлэр.
Үөрүүлээх тэрээһининэн улуус дьонун-сэргэтин аатыттан баһылык Дмитрий Тихонов эҕэрдэлээтэ, наҕараадалары туттарда. Бүтэйдээх сэлиэнньэтэ – Мэҥэ Хаҥалас улууһун биир саамай былыргы, баай устуоруйалаах, үтүө үлэһит дьонноох ытык түөлбэ. Мантан Социалистическай Үлэ Дьоруойа, сылгыһыт Афанасий Егорович Степанов, бастакы үөрэхтээхтэр, биллиилээх суруйааччылар, култуура үтүөлээх үлэһиттэрэ, ааттаах спортсменнар, дэгиттэр талааннаахтар, киэн туттар дьонноро төрөөн-үөскээн, үүнэн-сайдан тахсыбыттара. Итиэннэ бэлиэ күҥҥэ улуус баһылыгын социальнай уонна имиджевэй бэлиитикэҕэ солбуйааччы Альбина Григорьева кыттыыны ылла.
Күн бастакы аҥаарыгар Бүтэйдээх нэһилиэгин уран тарбахтаах иистэнньэҥнэрин, уустарын быыстапката тэрилиннэ. Түһүлгэҕэ киһи эрэ сөҕө-махтайа көрөр дьэрэкээн ойуулаах көбүөрдэрэ, чаппараахтара, мас оҥоһуктар араастара, мааны бэйэлээх дьахтар киэргэллэрэ-симэхтэрэ, кылтан-сиэлтэн бэртээхэй оҥоһуктар бар дьон көрүүтүгэр турдулар.
Салгыы “Нэһилиэгим нэһилиэстибэтэ” кинигэ “Бүгүҥҥү бүтэйдээх” диэн ааттанан үһүс чааһа күн сирин көрдө. Нэһилиэк 1990 сылтан ыла үлэтин-хамнаһын, олоҕун-дьаһаҕын сырдатар, туруу үлэһит дьон үтүө аатын үйэтитэр дьоһун кинигэ тахсан, кэнчээри ыччакка улахан суолталаах бэлэх буолла.
Дьоро күн Бүтэйдээх нэһилиэгин «Кэрэни кэрэхсиир, үтүөнү үксэтэр Бүгүҥҥү Бүтэйдээх» уус-уран самодеятельноһын эҕэрдэ кэнсиэринэн түмүктэннэ диэн иһитиннэрэр Мэҥэ Хаҥалас улууһун дьаһалтатын пресс-сулууспата.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…