Быыбары тэрийии үлэтэ салҕанар

Дойду сүрүн быыбарыгар куоластааһын бастакы күнүгэр диэри 17 күн хаалла диэн СӨ Киин быыбардыыр хамыыһыйата иһитиннэрэр.

Олунньу 24 күнүнээҕи дааннайынан, Саха сиригэр 12531 киһи ханна тиийбит сирдэринэн куоластааччылар испииһэктэригэр киллэрэллэригэр сайабылыанньа биэрэн мобильнай быыбардааччынан буоллулар.

Ыраах сытар, уустук суоллаах иистээх сирдэргэ болдьох иннинэ куоластааһыны тэрийии үлэтэ салҕанан бара турар.

Оттон «ИнформУИК» бырайыагынан Саха сирин 58% быыбардааччыта быыбар туһунан тустаах иһитиннэриини ылла. Итини тэҥэ 283 учаастактааҕы быыбардыыр хамыыһыйа быыбардыыр сирдэригэр видеокамералары туруоруу үлэтэ түмүктэнэн эрэр.

СӨ Киин быыбардыыр хамыыһыйа Учаастактааҕы быыбардыыр хамыыһыйалар уонна Территориятааҕы быыбардыыр хамыыһыйалар чилиэннэрин үөрэтэр тэрээһиннэрэ саҕаланна. Бүгүн, олунньу 26 күнүгэр, СӨ Киин быыбардыыр хамыыһыйа аппаратын исписэлиистэрэ уонна чилиэннэрэ Мэҥэ Хаҥалас уонна Нам улуустарыгар үлэлии бардылар.