Кэбээйигэ быыһааччылар буурҕа кэмигэр сүппүт дьону булбуттар

Кэбээйи улууһун Түбэтээҕи көрдүүр-быыһыыр этэрээтин быыһааччылара буурҕа кэмигэр сүппүт дьону булбуттар.

Үс эмсэҕэлээбиттэри Түбэ сэлиэнньэтигэр эвакуациялаабыттар, онтон салгыы Дьокуускайга илдьибиттэр. Бу туһунан муус устар 7 күнүгэр Саха сиринээҕи Быыһыыр сулууспатыгар иһитиннэрдилэр.

Сүппүт дьон туһунан иһитиннэрии быыһааччыларга күнүс киирбит. Муус устар 6 күнүгэр сарсыарда Сангаар бөһүөлэгэр Дьокуускайтан микроптуобус кэлиэхтээх эбит да, анаабыт кэмигэр кэлбэтэх. Дьону көрдүүр вездеходунан быыһааччылар таҕыспыттар. Кэлин биллибитинэн, Сангаар- Булуус суол икки ардыгар микрооптуобус алдьаммыт эбит. Бу кэмҥэ күүстээх буурҕа түспүт, суолу-ииһи типпит.

Сүппүт дьону Түбэ сэлиэнньэтигэр илдьибиттэр, ол кэннэ массыынан тиийэн ылбыт. Ким да мэдиссиинэ көмөтүгэр наадыйбатах.