СӨ Быһыырыы сулууспатын хаартыската.
СӨ Быыһыыр сулууспатын үлэһиттэрэ суһал-быыһыыр үлэлэрин кэмигэр алта киһини эвакуациялаабыттарын туһунан биэдэмистибэ телеграм-ханаала суруйар.
Ол курдук, олунньу 17 күнүгэр 09.17 чааска Быыһыыр сулууспаҕа Өлүөнэ өрүскэ Дьокуускай уонна Төхтүр икки ардынан үс киһилээх массыына тааҥҥа түспүтүн туһунан иһитиннэрии киирбит. Манна тута быыһааччылар дьуһуурунай симиэнэтэ айаннаабыт.
«Быһылаан миэстэтигэр тиийэн, өрүс тааннаабыт учаастагар массыына түспүтүн көрбүппүт. Бу өрүһү туоруурга анамматах сиринэн буолар. Массыынаҕа баар дьон сатаан бэйэлэрэ тахсыбатахтар. Онон быыһааччылар кинилэри онтон таһааран, суһал-быыһыыр массыынанан Дьокуускайга эвакуациялаабыттара», — диэн дьуһуурунай симиэнэ старшай быыһааччыта Станислав Захаров иһитиннэрэр.
Итиэннэ 10.55 чааска Өймөкөөнтөн Дьокуускайга айаннаан эрэр массыына «Халыма» суолун 109-с килэмиэтиригэр кэлэн алдьаммытын, көмөҕө наадыйарын туһунан иһитиннэрии киирбит. Чурапчытааҕы филиал Тааттатааҕы көрдүүр-быыһыыр этэрээтэ үс киһини алдьаммыт массыынаттан Чурапчы сэлиэнньэтигэр эвакуациялаабыт.
Бүгүн, ахсынньы 15 күнүгэр, Дьокуускайга 36 кв.м. иэннээх кыбартыыраҕа баһаар буолла. Өлбүттэр суохтар, биэс киһи…
Оҕо эрдэххэ дьаабылыка сыта, мандарин амтана наһаа да минньигэс уонна ураты буолара. Саҥа дьыл үөрүүтүн,…
Сыл – хонук. Номнуо үйэ чиэппэрэ ааһа охсубут. Оттон киэн туттан бүгүн кэпсээри оҥостор киһибит …
Горнай улууһун Одуну нэһилиэгэр айрширскай боруодалаах ынах бастакы ньирэйин төрөппүтүн туһунан "Үлэ күүһэ" хаһыат телеграм-ханаала…
"Сахафильм" киинэ хампаанньата уонна СӨ Национальнай бибилэтиэкэ 10 сахалыы киинэни босхо көрдөрөллөр. "Киинэни ааҕабыт!" аахсыйа…
Саха киинэтэ 1990 сылтан силис-мутук тардар. Бу сыл “Северфильм” киинэ устуудьуйата тэриллибитэ, ол 1992 сыллаахха…