Быыһааччылар Орто Балаҕан олохтоохторун оҥочонон туораталлар

Быйыл от ыйыгар Өймөкөөн улууһугар уһун күүстээх ардахтар түһэннэр Индигииргэ уонна Куйдуһуҥҥа уу таһыма үрдээн, Куйдуһун үрэҕи туоруур мас муоста алдьаммыта. Онон улуус олохтоохторо сайыны быһа айаннарыгар эрэйи көрбүттэрэ.

Билиҥҥитэ муоста кыайан оҥоһуллубакка, өрөспүүбүлүкэ Быыһыыр сулууспатын быыһааччылара Орто Балаҕан сэлиэнньэтин олохтоохторун Куйдуһун үрэҕи мотуордаах оҥочонон туораталлар.

Үс быыһааччы мотуордаах оҥочонон дьону уонна таһаҕаһы таһаллар диэн иһитиннэрэр СӨ Быыһыыр сулууспата.

СӨ Быыһыыр сулууспатын бөлөҕүн салайааччыта, 3-с кылаастаах быыһааччы Андрей Леонов этэринэн, күн аайы ортотунан 10-15 киһи өрүһү туоруур. “Бүгүн эбиэккэ диэри биһиги туонна бородууктаны уонна 15 киһини туораттыбыт”, — диэн быыһааччы бэлиэтиир.