Ахсынньы 4-14 күннэригэр СӨ бастакы бэрэсидьиэнэ Михаил Николаев 85 сааһыгар аналлаах саахымат өрөспүүбүлүкэтээҕи III кэнгириэһэ ыытылла турар. Уопсайа 150-тан тахса киһи кыттара былааннанар.
Кэнгириэскэ бастакынан Сахалин уобалаһыттан уонна Бурятия Өрөспүүбүлүкэтиттэн кэллилэр. Кинилэри кэнгириэс сүрүн тэрээһиннэрэ ыытыллыахтаах Хаҥалас улууһун Чапаев сэлиэнньэтигэр баар Билим дьоҕус академиятын үөрэтэр-лабораторнай куорпуһун уопсайыгар түһэрдилэр.
Сахалин уобалаһын бэрэстэбиитэлэ Артем Хуснулгатин: “Саха сиригэр олус тымныы диэбиттэрэ. Сылаас таҥаспын барытын илдьэ кэлбитим эрээри, олус тымныы буолбатах эбит. Саха сирин олохтоохторо бэрт эйэҕэстэр. Номнуо “махтал”, “дорообо” диэн тыллары үөрэттим”, — диэн санаатын үллэстэр.
Тэрийээччилэр бастакынан кэлбиттэргэ куорпустарынан экскурсияны тэрийдилэр. Киэһэ саха норуотун оонньууларын кытта билиһиннэрдилэр.
Бэҕэһээҥҥиттэн норуоттар икки ардыларынааҕы гроссмейстер, түргэн оонньууга Арассыыйа чөмпүйүөнэ Антон Шомоев ыытар саахымат оскуолатын бастакы күнэ саҕаланна. Кыттааччылар төһө да кыраларын иһин, саахымат садаачаларын үөрүүнэн суоттууллар уонна көхтөөхтөр диэн гроссмейстер бэлиэтиир: “Мин санаабар, саахымат оҕоҕо көннөрү алтыһыыттан саҕалаан, анаалыстыыр дьоҕурга тиийэ сайыннарар. Ону тэҥэ, бу эмиэ успуорт күрэхтэһиитин кэриэтэ, чиэһинэй оонньууга сирдиир”.
Ыҥырыылаах ыалдьыт бэйэтэ саахыматы кытта билсиитэ аан бастаан 5 сааһыгар саҕаламмыт. Тоҕус сааһыттан номнуо тас дойдуларга күрэхтэһиилэргэ кыттар буолбут. “Саахымакка бэйэм үөрэммитим. Төрөппүттэрим улаханнык өйүүллэрэ. Итиэннэ атын куораттары көрөрбүн, дойдуларынан сылдьарбын сөбүлээбитим.
Саха сиригэр төрдүс сырыыбын кэлэбин. Бу сырыыга сүрүн соругум – оҕолору оонньуу тиэхиньикэтигэр үөрэтии, саахымат садаачаларын суоттуурга көмөлөһүү. Бүгүн күүстээх, талааннаах оҕолор мустубуттар. Саха сирэ маастары иитэр, салгыы гроссмейстеры үүннэрэр улахан кыахтаах”, — диэн этэр.
Кэнгириэс бырагыраамата киэҥ, ол курдук, гроссмейстердар сиэссийэлэрэ, Михаил Николаев бирииһигэр саахымакка XVII олимпиада, норуоттар икки ардыларынааҕы онлайн турнир, “төгүрүк остуол”, эрэгийиэҥҥэ саахыматы уонна үөрэҕи сайыннарыыга кэмпириэнсийэ, педагогтарга, тириэнньэрдэргэ, саахымат куруһуогун, сиэксийэтин салайааччыларга аналлаах куурус, судьуйаларга аналлаах сэминээр, маастар-кылаастар, биир бириэмэлээх сеанс, саахымат садаачаларын суоттааһыҥҥа куонкурус, о.д.а. тэрээһиннэр ыытыллыахтара.
Бүгүн Саха Өрөспүүбүлүкэтин күнэ – өрөгөй күнэ. Бу бэлиэ күн иитинэн элбэх араас тэрээһин ыытылынна.…
Бүгүн Өрөспүүбүлүкэбитигэр өрөгөй, үөрүү, кэскилбитин түстээбит үтүө күммүт үүннэ. Бу күн Саха Автономиятын төрүттээбит, саргытын…
Муус устар 30 күнүгэр сарсыарда 10 чаастан "Пятница!" ханаалга "Пробный переезд" диэн саҥа биэриигэ Саха…
Ыйытыы: Көһөрүү (перевод) быһыытынан атын тэрилтэҕэ барар буоллахха, харчынан толуйууну (компенсация) ылбакка, атын тэрилтэҕэ кини…
Анаабыр улууһун Сааскылаах сэлиэнньэтигэр баар "Тугутчаан" уһуйааҥҥа сүүсчэ Чебурашка "олорорун" билэр этигит дуо? Москва олохтооҕо…
2024 сыл бастакы кыбаарталыгар төрөөбүт кыыс оҕолору Сандаара, Айыына, Кэрэли, Нарыйаана, Мичийэ уонна Сайаана диэн…