Иван Луцкан хаартыската.
Саха сирин офтальмолог-быраастара түөрт хонук иһигэр Донецкай Норуодунай Өрөспүүбүлүкэҕэ 258 харах эпэрээссийэтин оҥордулар.
Бу туһунан ДНӨ доруобуйатын харыстабылын миниистирэ Дмитрий Гарцев:
«Мариупольга Саха сирин офтальмолог-быраастара түөрт хонук устатыгар рекордка киирэр элбэх ахсааннаах, ол эбэтэр 258 харах эпэрээссийэтин оҥордулар. Хирург-быраастар эпэрээсийэлиир хостон тахсыбакка үлэлээтилэр. Хас биирдии хирург-быраас 25-тии эпэрээссийэни оҥордо. Бу бэйэни харыстаммакка үлэлээһин буолар», — диэн иһитиннэрдэ. Кини бэлиэтииринэн, Саха сирин быраастарыгар улахан наҕарааданан — Донбасс олохтоохторун махтала буолар. Дьон махтанан ытамньыйбыттар. Бэлиэтээн суруйдахха, офтальмолог-быраастар ДНӨ номнуо үһүс сырыылара буолар. Бастакы сырыыларыгар кинилэр Ил Дархан Айсен Николаев сорудаҕынан кэлэн, Кировскай куоракка үлэлээбиттэрэ.
Эпэрээссийэ оҥорор бары тэриллэрин быраастар Саха сириттэн илдьэ барбыттара. Ол курдук уопсайа икки туонна кэриҥэ ыйааһыннаах тэриллэри илдьэн быраастар үлэлээтилэр. Саха сирин өрөспүүбүлүкэтээҕи харах балыыһатын сүрүн бырааһа Иван Луцкан:
«Харахтарын эпэрээссийэлэтэ араас оройуоннартан кэлбиттэрэ. Мариупольга олус уустук эпэрээссийэлэр оҥоһулуннулар. Олохтоохтор махтаннылар«, — диэн иһитиннэрдэ.
Бээтинсэ түүнүгэр Дьокуускайга салгын температурата -26...-28 кыраадыска диэри тымныйыаҕа. Күнүс Саха сиринээҕи гидрометеосулууспа кыралаан хаардыырын…
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…