Чааһынай килииникэ миэдиктэрэ биэнсийэҕэ эрдэ тахсыахтарын сөп
21.02.2024, 17:13
Хаартыска СИА
Бөлөххө киир:
Тохсунньу 17 күнүгэр Бэрэсидьиэн Владимир Путин чааһынай килииникэ быраастара биэнсийэҕэ эрдэ тахсар боппуруостарын көтөхтө. Чааһынай килииникэлэр босхо мэдиссиинэ көмөтүн оҥорор судаарыстыбаннай бырагыраамаҕа (ОМС) кыттыһан үлэлиир буолуохтаахтар диэн ТАСС суруйар.
Бэрэсидьиэн тохсунньуга Чукоткаҕа уонна Хабаровскай кыраайга сырыытын түмүгүнэн, бырабыыталыстыбаҕа сорудахтары биэртэлээтэ. Биир оннук сорудаҕынан чааһынай килииникэҕэ үлэлиир быраастар биэнсийэҕэ эрдэ тахсалларын туһунан буолла.
Хабаровскайга чааһынай килииникэлэр хаһаайкалара Наталья Африканова бу боппуруоһу көтөхпүтэ. Кини эппитинэн, миэдик чааһынай килииникэҕэ үлэлээбит ыстааһа биэнсийэҕэ тахсарыгар ааҕыллыбат, ол иһин биэнсийэҕэ эрдэ тахсыбат. Оттон судаарыстыбаннай килииникэлэргэ үлэлиир миэдиктэр биэнсийэҕэ эрдэ тахсар кыахтаахтар.
Бу боппуруоһунан этиилэри оҥорон киллэрэригэр доруобуйа харыстабылын миниистирэ Михаил Мурашкоҕа сорудахтаата. Этиилэри бу сыл муус устар 1 күнүгэр диэри оҥорон киллэриэхтээхтэр. Оттон РФ премьер-миниистирэ Михаил Мишустин бу боппуруоска эппиэттээҕинэн ананна.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: