Хаартыска: СИА
Саха сирин сүүмэрдэммит хамаандата чэпчэки атлетикаҕа доруобуйаларынан хааччахтаах Арассыыйатааҕы чөмпүйэнээккэ өссө эбии үс кыһыл көмүс мэтээли ылары ситистэ.
Ол туһунан Өрөспүүбүлүкэтээҕи спортивнай хамаандалары бэлэмниир киинигэр иһитиннэрдилэр. Күрэхтэһии иккис күнүгэр 400 миэтэрэ дистанцияҕа сүүрүүгэ Саргылаан Семенов хамаандаҕа бастакы кыһыл көмүс мэтээли аҕалла. Арассыыйа успуордун үтүөлээх маастардара кыттыылаах сытыы киирсиигэ саха спортсмена бүтэһик эргииргэ инники тахсан, бастакы миэстэҕэ тисгитэ. Бу дистанцияҕа Саргылаан Семенов бэйэтин тус рекордун олохтоото.
Василина Иванова бастакы күн ядрону анньыыга кыайбыт буоллаҕына, бу сырыыга диискэни быраҕыыга кыһыл көмүс мэтээли ылла. Итини кытта иккис кыһыл мэтээлин Арассыыйа сүүмэрдэммит хамаандатын лидерэ Айтал Сивцев ылла. Кини 30 миэтэрэ ыраахха диискэни быраҕан, эрэллээхтик кыайыылаахтар истэригэр киирдэ. Үрүҥ көмүс мэтээли диискэни быраҕыыга Виктория Петрова ылла. Бу иннинэ кини эмиэ Арассыыйа чөмпүйэнээтин ядроны анньыыга иккис бочуоттаах миэстэҕэ тиксибитэ. Инникитин спортсменнар Чувашияҕа күрэхтэһиитигэр кытталлара күүтүллэр.
ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…
Арассыыйа Бырабыыталыстыбата соторутааҕыта олоххо саамай наадалаах уонна суолталаах эмп препараттарын (ЖНВЛП) испииһэгин кэҥэттэ. Искэн, генетическэй,…
Ахсынньы 24 күнүгэр ЯК-488 Санкт-Петербург – Дьокуускай рейсин толоруу кэмигэр, салгын аалын хамандыыра, тиэхиньикэ алдьаныытынан,…
Сунтаарга буокса сиэксийэтэ аан бастакытын Сиэйэҕэ тэриллибитэ. Ол курдук, 1959 сыллаахха энтузиаст учуутал, тренер Гаврил…
Өрөспүүбүлүкэҕэ суукка иһигэр 8 буруйу оҥоруу түгэнэ бэлиэтэннэ, олорунан процессуальнай бэрэбиэркэлэр уонна хонтуруоллааһын ыытыллар. Бу…
Ил Дархан Айсен Николаев Арассыыйа Бэрэсидьиэнин көмөлөһөөччүтэ Николай Патрушев салайан ыыппыт (Морской коллегия) мунньаҕар кыттыыны…