Сыл аайы Таатта улууһун Октябрьскай нэһилиэгин эр дьоно анаан субуотунньуктаан, Таатта үрэҕэр быһыт оҥорон, уунан толороллор.
Быйыл эмиэ үгэс быһыытынан 40-ча эр киһи мустан үрэххэ быһыт оҥордулар. Бу туһунан Ытык сүбэ чилиэнэ Гаврил Вырдылин маннык кэпсиир:
— Үрэхпит уута баран хаалан, сүөһү да уулуур уута суох буолар. Былырыын сүбэлэһэн баран, урукку буор быһыты таас аҕалан эбэн иһэбит. Бастаан утаа буорунан быһар этибит да, халаан уута быһыппытын сууйан ааһара. Тааттаҕа таас диэн суох. Ол иһин Амматтан уонна Алдантан, Аллараа Бэстээхтэн, Хачыкааттан өрүс тааһын тастарабыт. Ыраах айан суоппардара өйөөн абыраатылар. Ол курдук, Евгений Федосеев Аллараа Бэстээхтэн иккитэ таас тиэйэн аҕалла. Харбалаахтан Петр Прохоров хаста да таста. Балтараа ый устата 40-тан тахса эр киһи солбуйса сылдьан, быһыппытын оҥорууга суббуотунньуктаатыбыт. Быйыл үрдэтэн, Таатта үрэх толору уулаах турар гына оҥордубут.
Октябрьскай нэһилиэгин эр дьонун түмсүүтэ 2020 сыллаахха тэриллибитэ. 2019 сыллаахха баһылыгынан талыллан баран, Андрей Семенов эр дьон түмсүүтүн уонна Ытык сүбэни тэрийбитэ. Эр дьон түмсүүтүн Василий Эртюков салайар. Оттон Ытык сүбэ үлэтин уруккута «Таатта» сопхуос бастыҥ тырахтарыыһа, суоппара, 85 саастаах Алексей Новгородов сүрүннүүр.
Мантан күһүн Чөркөөх эр дьоно «норуот муҥхатын» тэрийиэхтэрэ. 1000-тан тахса киһи олорор нэһилиэгэр муҥха соботун биир дойдулаахтарыгар түөлбэнэн тарҕатыахтара.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…